أسرار جوجل | البحث في المجال العلمي Google scholars
نبدأ من حيث انتهى الآخرون… نبدأ من حيث انتهى العمالقة (Stand on the shoulders of Giants).
دي بقا الجملة الأولى اللي هتشوفها أول ما تفتح صفحة google scholar تحت مربع البحث مباشرةً.
السؤال بقى يعني إيه google scholar، وإيه أهمية البحث فيه؟
دا هيكون أحد أسرار جوجل اللي هنتكلم عنها في المقال دا…
ما هو google scholar؟
باختصار هو البحث المختص بالمجال العلمي…
جوجل كشركة عملاقة بتهتم بتفاصيل البحث الدقيقة جداً عشان كدا بتقدم لأي باحث علمي كل المواقع الـ trusted اللي بيحتاجها أثناء رحلة بحثه بدون ما يتكبد عناء البحث في المواقع الغير موثوق فيها.
وكمان بيحميه من الوقوع في أخطاء علمية فادحة بسبب إنه بحث في موقع خطأ.
نتائج البحث بتكون عبارة عن:
- مقالات ورسائل علمية.
- كتب علمية.
- أو أي مصادر علمية موثوق فيها.
طبعاً مش محتاجين نقول إن دا أكتر بحث بيفيد كتاب المحتوى العلمي والطبي؛ لأن لازم البحث يكون في مواقع trusted ومينفعش المتاب دول ينقلوا أي معلومة وخلاص بالعكس لازم يكونوا متأكدين من صحتها ١٠٠٪.
مش بس كدا دا بيوفر لك خدمة توثيق رسالتك العلمية أو أبحاثك العلمية ونشرها كمان.
ملاحظة أخيرة قبل ما ندخل في تفاصيل الموضوع وهي إن زمان كان البحث المختص في المجال العلمي كان بيتضمن براءة الاختراع Patents، لكن من فترة قريبة جوجل فصلت الاتنين عن بعض وأفردت لبراءة الاختراع قسم خاص بيها من شدة أهميتها وسمتها Google patent.
لو عاوز تعرف أكتر عن براءات الاختراع في جوجل شوف المقال دا: أسرار جوجل | كيفية الحصول على براءة الاختراع GOOGLE PATENTS
ازاي نفتح صفحة البحث؟
أول حاجة بنعملها بندخل على اللينك دا:
أول صفحة بتظهر قدامنا على الشاشة بيكون فيها ٣ حاجات:
- مربع البحث: ودا اللي بنكتب فيه كلمة أو جملة البحث.
- Stand on the shoulders of Giants: بمعنى أن كل كلمة هتظهر في نتائج البحث عبارة عن رحلة بحث طويلة جداً قام بيها عمالقة البحث العلمي وكمان trusted تقدر تاخدها وأنت مغمض عينك وتكمل عليها.
- اختيارين Articles أو case Law.
ايه الفرق بين Articles – Case law؟
- Articles: البحث في المقالات فقط
- Case law: لو بتبحث في قوانين مسنونة.
البحث في القوانين المسنونة بيشترط عليك تختار المحكمة اللي تابع لها القوانين… أشهر وأكبر محكمتين جوجل بيعتد بيهم هما:
- Federal Court: المحكمة الفيدرالية اللي تابع لها الولايات المتحدة الأمريكية.
- California Court: محكمة كاليفورنيا.
لكن تقدر تختار أي محكمة تانية عن طريق الضغط على Select Other Court… بتظهر قائمة طويلة جداً من كافة المحاكم المختلفة تقدر تختار منهم أو تختارهم كلهم Select all أو حتى تلغي اختيارهم كلهم Clear all.
خاصية البحث المتقدم Advanced search
زي ما اتفقنا قبل كدا إن البحث المتطور Advanced search بيسهل علينا كتير وبيوفر وقت في البحث لو تبحث عن شيء محدد.
هتلاقي أقصى يسار الصفحة فيه قائمة فيها مجموعة من الاختيارات هنختار منها Advanced search، وهيكون الشكل كالتالي:
- Find articles with all of the words: نتيجة البحث هتكون متضمنة كل كلمة في مربع البحث أنت كتبتها.
- Find articles with the exact phrase: لو بتبحث عن جملة محددة اكتبها في الاختيار دا هتظهر لك زي ما هي بالظبط في نتيجة البحث.
- at lest one word: نتيجة البحث يكون فيها على الأقل كلمة واحدة من المكتوب في مربع البحث.
- without the words: يعني أنت تكون عايز نتيجة البحث مش فيها ولا كلمة أنت كتبتها في مربع البحث.
- Where my words occur: مكان ظهور الكلمة اللي بتبحث عنها هل هي في أي مكان في المقال (Anywhere) ولا في العنوان (In the title).
- Authered by: لو بتبحث عن كل مقالات كاتب معين.
- Published in: اسم الناشر.
- Dated between: لو بتبحث عن مقالات نُشرت في فترة زمنية معينة اكتب الفترة المحددة من سنة كذا لسنة كذا، هيظهرلك كل المقالات اللي نُشرت في الحقبة الزمنية اللي أنت عايزها.
نتائج البحث Google Scholars Search results
نتائج البحث اللي بتظهر لنا بتكون كالتالي…
- Title: عنوان البحث العلمي أو الكتاب أو المقال العلمي أو الدراسة.
- Authors: اسم المؤلف بعضها بيكون الاسم بالكامل وبعضها بيكون الاسم الأخير بس.
- Publication year: السنة اللي تم نشر المقال فيها.
- Snippet: نبذة مختصرة مقتبسة من المقال.
- Star = save: حفظ المقال في مكتبتك.
- Cite: علامات تنصيص، ودا في حال اقتبست حاجة من المقال دا في بحثك العلمي وعاوز توثق دا وتضيفه كمرجع من المراجع العلمية لمقالك اضغط على cite.
الطريقة المتداولة الشهيرة هي نسخ عنوان APA.
- All versions: كل الإصدارات للمقال بتواريخها، ولكن لو للمقال إصدار واحد الاختيار دا مش هيكون موجود.
- PDF: المقال ممكن يكون متاح في صورة pdf وممكن تحمله على جهازك.
- HTML: موقع إلكتروني يعتبر مرجع موثق للمقال.
- Cited by (vs) Related articles: الاختيارين دول شبه بعض جداً بس فيه اختلاف وهو:
- Cited by: عدد الناس اللي اقتبسوا من المقال دا وكل ما زاد عدد المقتبسين معناه أن البحث محتواه قوي ومعلوماته قيمة.
معنى كدا إن دا البحث رقم ١ وكل اللي بعده اللي اقتبسوا منه أحدث منه في التاريخ.
- Related article: بعض المقالات المتشابهة في الكلمات المفتاحية والمحتوى لكن مش شرط تكون مقتبسة من البحث ومش بيفرق التاريخ أقدم ولا أحدث.
Articles toolbelt Vs Case law toolbelt
هنلاقي على أقصى يسار صفحة نتائج قائمة فيها خيارين هما Articles toolbelt وCase law toolbelt إيه الفرق بينهم؟…
Articles toolbelt
بتندرج تحت القائمة دي مجموعة من الخيارات هي:
- Time Frame: ودول 5 اختيارات لـ 5 تواريخ مختلفة:
- Anytime: النتائج هتظهر في أي تاريخ من غير تحديد.
- since 2020.
- since 2019.
- since 2016.
- custom range: أنت بتحدد تاريخ معين بنفسك.
- Sort by: بتختار الترتيب حسب الملائمة للبحث بتاعك أو حسب التواريخ.
- Include: بتختار هل نتائج البحث تكون تحتوي على براءات الاختراع والاقتباسات ولا بتختار واحدة منهم أو بتلغي اختيارهم خالص.
Case law toolbelt
ودي برضو بيندرج تحتها مجموعة من الخيارات هي:
- Courts: بتختار القوانين تكون تابعة للمحكمة الفيدرالية ولا محكمة كاليفورنيا ولا تختار حاجة تانية زي ما اتكلمنا قبل كدا.
- Time frame: مشابهة للـ article .time frame
- Sort by: ترتيب نتائج البحث وهي مشابهة برضو لـ article sort by.
- Include: الاختلاف هنا بين الاتنين إنه هنا بيخيرك عايز اقتباسات في نتايج البحث ولا لأ لكن مفيش خيار براءة الاختراع.
ازاي تقيس مدى مصداقية المعلومات اللي بتبحث عنها؟
الاقتباس أو الاستشهاد (Citation) ضروري جدًا نعرف أهميته في البحث العلمي.
الاقتباس بيعطي ثقل للبحث وبيعتبر دليل على صحة معلومات البحث يعني كل ما زاد عدد الاقتباس لمقالك معناها إنه مليان معلومات قيمة وموثوق منها، وكل ما انت زودت عدد الاقتباسات كل ما زادت قيمة البحث بتاعك.
وذكرنا قبل كدا ازاي تقدر تقتبس بحث علمي وتستخدمه في مقالك أو ازاي تطلع على الاستشهادات اللي أي مقال مستشهد بيها.
أدوات تساعد الباحث العلمي على تنظيم مقاله أو بحثه الخاص
هنتكلم دلوقت عن كام أداة أو خاصية تخص الباحث العلمي وتساعده في تنظيم مقالاته وأبحاثه…
My library
ذكرنا قبل كدا لو عايزين نحفظ مقال معين
هنضغط على علامة النجمة الموجودة جنب لينك المقال، وهنلاقي المقال هيتحفظ في مكتبتك لو حبيت ترجعله في أي وقت بالضغط على my library، وطبعًا بتكون مرتبطة بحسابك الشخصي على جيميل.
Trash
دي قائمة المقالات المحذوفة اللي تقدر تستعيدها Restore أو تحذفها نهائي Delete forever.
Manage labels
ودي طريقة لتقسيم مواضيع المقالات زي الفولدرات لتنظيمها وهتلاقي كام اختيار يخص الوقت اللي بتبحث فيه.
Alerts
تقدر تعمل Email-alert ودا بيكون من خلال إنك تكتب اسم العنوان اللي أنت عايز جوجل ينبهك لكل مقالاته العلمية واربطه بحسابك الشخصي على جيميل.
تقدر تتحكم في عدد النتائج اللي بترسل ليك في إيميل على جيميل سواء ١٠ نتائج أو ٢٠ نتيجة.
لاحظ إن في حالة إن الإيميل اللي اترسل ليك جنبه علامة صفراء معناها إن الإيميل دا فيه معلومات مهمة.
Metrics
تقدر تختار أي لغة عايز نتائج البحث تظهر بيها أو أي فئة من المجالات سواء بيزنس أو تجارة أو هندسة أو طب أو صحة… الخ.
وبكدا نكون اتكلمنا بشيء من التفصيل عن طريقة البحث في المجال العلمي اللي يهمك تعرفها كباحث أو كاتب محتوى.