طريقة عمل لوجو احترافي في 6 خطوات
ما هي طريقة عمل لوجو احترافي؟ السؤال ده بيتكرر من أي حد بيبدأ مشروع أو براند، أو لو مصمم لوجو فريلانسر جديد (logo designer) وعايز يبدأ مشواره المهني، وبيحتاج لوجو جذاب واحترافي يشد الجمهور المستهدف، تعالو نعرف ازاى:
- ندخل عالم التصميم الاحترافي
- خطوات عمل لوجو احترافي
- تطوير مهارات تصميم اللوجو
- منصات العمل الحر
- ازاى نكتب CV للديزاينر
- كتابة بورتوفليو
ازاى أدخل مجال تصميم اللوجو Logo Designer
عشان تبدأ صح، لازم تتعلم أساسيات الديزاين، وده من خلال:
- دراستك لو لسه بتدرس وهتدخل كلية فيها تخصص جرافيك.
- أو من خلال كورسات على منصات رقمية تتعلم فيها، ومن خلالها ممكن تعرف أفضل مواقع التصميم وكمان إزاي تبحث عن الوظيفة المناسبة كفريلانسر أو عقد في شركة.
- ممكن تاخد كورسات في الجرافيكس وطريقة عمل لوجو، إلى جانب كورسات تانية في التسويق الإلكتروني وغيرها من تقنيات الذكاء الاصطناعي.
طريقة عمل لوجو احترافي في 6 خطوات رئيسية
يوجد خطوط عريضة إرشادية لعمل اللوجو، وأول خطواتك في عالم اللوجوهات:
- تفهم كويس فكرة البراند أو المنتج عن ايه بالضبط
- العصف الذهني (brain storming) عشان تلاقي الكلمات المعبرة عن فكرة المنتج
- سجل أي أفكار لتصاميم اللوجو تخطر على بالك
- لو أنت مصمم لوجوهات، اختار أفضل أفكار لوجو وصلتلها، وناقشها مع العميل، وأفضل فكرة اتفقتم عليها، ابدأ اشتغل عليها وطورها.
- ممكن تبدأ تنفذ تصميمك في المواقع المجانية للتصميم
- تأكد من استخدام عناصر ملائمة في التصميم
1. فهم فكرة البراند أو المنتج
من الضروري معرفة نوع المنتج اللي هتسوقه، ومعرفة طبيعة الجمهور المستهدف، وتعرف تسلط الضوء على مميزاته اللي تهم الجمهور ده، بعدين تحاول تبرزها في اللوجو بتاعك.
2. العصف الذهني
مرحلة العصف الذهني هي مرحلة تطوير الأفكار الوليدة وبناء صورة شاملة لكل ما يتعلق بالفكرة من طرحها وطرح الأسئلة والحلول التي تدور حولها.
- إذا كنت تعمل منفردًا كفريلانسر، ممكن تتصفح المواقع المتعلقة بالبراند أو المنتج، وتكتب الكلمات ذات صلة؛ فتمدك بأفكار واقتراحات إضافية.
- ولو كنت تعمل في فريق، يكون العصف الذهني أكثر فعالية في النقاش الجماعي، إذ يطرح كل فرد أفكاره وتناقش في المجموعة؛ مما ينتج عنه نتائج أفضل للتصميم النهائي.
3. تسجيل الأفكار
تسجيل الأفكار بيكون في صورة التصاميم الأولية المقترحة للبراند، وتبدأ تقارن بينهم حتى تختار أفضلهم، حاول دائمًا تجنب البهرجة المفرطة والزحام في التصميم، والتزم بالبساطة قدر المستطاع.
4. مناقشة فكرة اللوجو مع العميل
قبل أن تأخذ خطوة تنفيذ الفكرة في مواقع التصاميم على الانترنت، إعرض الفكرة على العميل وخذ موافقته الأولية على التصميم.
5. المواقع الخاصة لتنفيذ التصميم
بعد الاستقرار على فكرة وتصميم اللوجو، تأتي الآن أهم خطوة من خطوات طريقة عمل لوجو احترافي، وهي تنفيذ التصميم على الكمبيوتر ويمكنك استخدام أدوات الذكاء الاصطناعي، ومن أشهر المواقع للتصميم:
- كانفا Canva: وهتلاقي فيه الكثير من الأدوات المجانية، وكمان فيه أدوات مدفوعة premium ممكن تستخدمها قدام.
- لوكا Looka logo maker: وده من المواقع المدفوعة وبتختلف الإمكانيات المتاحة حسب قيمة الدفع.
- Themeisle: وهو أيضًا من المواقع المجانية.
- ديزاين هيل designhill: وده من المواقع المدفوعة، وبتكون جودة ووضوح التصاميم على حسب سعر الاشتراك.
- هاتشفول hatchful: وده زي كانفا، من المواقع المجانية، وفيه برضه خدمات مدفوعة premium، وهو جزء من منصة Shopify.
- تايلور براند :Tailor Brand: من المواقع المدفوعة.
- جرافيك سبرينج GraphicSpring: من المواقع المدفوعة.
- سكوير سبيس Squarespace: من المواقع المدفوعة.
- يوكرافت Ucraft: وده فيه خدمات مجانية وأخرى مدفوعة، حسب نوع الملف المستخدم في التصميم.
- لوجو جاردن Logo Garden: وده من المواقع المجانية.
- لوجو جين Logo Genie: وده من الالمواقع المدفوعة.
6. اختيار العناصر والألوان المناسبة للتصميم
زي ما ذكرنا قبل كده التزام بالبساطة في التصميم، فلازم برضه نختار ألوان وتصاميم ملائمة لطبيعة البراند، يعني طريقة عمل لوجو لمصنع ملابس غير دار نشر غير لوجو منصة رقمية.
ازاي أطور مهاراتي في تصميم الجرافيكس واللوجو
بعد ما عرفنا طريقة عمل لوجو وازاي أدخل مجال تصميم اللوجو، ما تقفش عند كده وتستنى لما الشغل يجيلك، لازم أنت اللي تسعى له وده عن طريق الممارسة المستمرة في مجالك على منصات العمل الحر كفريلانسر، ومن خلالها تقدر تعرض تصاميمك وابداعاتك المختلفة لجذب العملاء.
منصات العمل الحر كمصمم جرافيكس أو لوجو
فيه مجموعة من المنصات platforms للعمل الحر أو الفريلانس، وأشهرها:
كتابة CV للديزاينر
ايه اللي تحتاجه لكتابة السيرة الذاتية:
- فيه ورش عمل لكتابة السيرة الذاتية على المنصات التعليمية.
- وفيه مواقع ممكن تعمل من خلالها CV احترافي، ومنها بعض مواقع تصميم اللوجو زي كانفا، وممكن تستعين بالجوجل دوكس Google docs.
وهنتكلم عن الأساسيات في كتابة CV احترافي:
- كتابة الاسم والوظيفة في البداية وبخط واضح، والوظيفة هنا الديزاينر.
- كتابة نقاط القوة في سيرتك المهنية، واللي ليها صلة بالوظيفة اللي بتقدم عليها في بداية CV، مثلًا لو فيه كورسات أو شهادات تعليميه أو سنوات خبرة ليها علاقة بمجال الديزاين.
- لو فيه عندك خبرة في مجالات بعيدة عن المجال اللي بتقدم عليه، يفضل ما تذكرهاش أو على الأقل أذكرها في نهاية CV.
- من المهم تظهر شخصيتك في كتابتك لسيرتك الذاتية، وحاول تتجنب الاستعانة بالذكاء الاصطناعي في كتابتها.
- ولكن فيه اختلاف بين تصميم CV لأي مجال وبين مجال الديزاينر، لأن هنا CV بيكون واجهة لوظيفتك فحاول تصممه بشكل إبداعي، وممكن تصمم خلفيات وخطوط مميزة.
كتابة بورتوفليو
من الجيد إضافة بورتوفوليو يضم أفضل أعمالك على منصات العمل الحر، وتصمم البورتوفليو بصورة إبداعية، ويمكنك تصميمه على مواقع تصميم اللوجو والجرافيكس.
في النهاية، طريقة عمل لوجو مش بس هتساعدك في مجال الديزاين، كمان هتساعدك في التسويق لأعمالك كفريلانسر أو لو بتروج لمنتجات او براندات جديدة.
المصادر: