التصنيف: أدوات وخدمات جوجل

أدوات وخدمات جوجل

أسرار جوجل | البحث عن الكتب

قبل ما تحصل ثورة رقمية في السنوات الأخيرة كان السبيل الوحيد للقراء هو “الكتب”. 

طبعاً مفيش حد ينكر أهمية الكتاب والقراءة بشكل عام إذا كان أول ما أنزل على نبينا محمد صلى الله عليه وسلم كلمة (اقرأ)، فأولى بينا أن نكون أمة القارئين.

كتير مفكرين إن القراءة هواية، فتلاقي البعض بيقولوا أنا مش هوايتي القراءة، لكن الأصل إن القراءة احتياج زيه زي الأكل والشرب والنوم… يعني احنا في احتياج دايم للقراءة.

في المقال دا هنكملك سريعًا عن سر من أسرار جوجل، وهو البحث عن الكتب…

نبذة تعريفية | google book search

انطلاقاً من أهمية القراءة في العالم كله جوجل قدمت خدمة بتسهل على كل الناس في كل أنحاء العالم البحث عن وقراءة كافة الكتب… يعني القراءة جات لحد عندك وبين إيديك مفيش أعذار.

لكن هدف جوجل مش مجرد البحث عن كتاب، بالعكس هو بيقدم لنا خدمة أكبر من كدا بكتير… تخيل إنك تكون بتبحث عن “كلمة” بعينها أو “جملة مقتبسة” وأنت مش عارف موجودة في أي كتاب؟

هو دا فعلياً الخدمة اللي بيقدمها لنا جوجل… تقدر تعرف الجملة المقتبسة من أي كتاب بالظبط، وفين موقعها في الكتاب كمان.

وبناءً عليه ببساطة لو عجبك الكتاب تقدر تطلع عليه و تقرأه من أول صفحة لآخر صفحة، ودا طبعاً لو هو منشور على العام بدون حقوق نشر.

بعني نقدر نقول google book search عبارة عن full-text index.

أنواع خدمات جوجل للبحث عن الكتب

فيه خدمتين جوجل بيقدمهم بخصوص البخث عن الكتب:

Google library project

يعني مكتبة تضم كل الكتب الموجودة على مستوى العالم بكل اللغات وفي أي حقبة زمنية تختارها.

لك مطلق الحرية في إنك تطلع على الكتاب وتقرأه إذا كان منشور in public domain أما إذا كان الكتاب له حقوق نشر copyrights هتعرف إن الجملة اللي بتبحث عنها موجودة فيه لكن إذا حسيت إنك محتاج تقرأه تقدر تطلب نسخة تشرتيها من خلال اللينك دا: 

https://support.google.com/books/partner/faq/3396243?hl=en

Google partner project

خدمة بتتيح لك إمكانية نشر كتابك على google play ويوصل لملايين بل بلايين القراء، ودا بيكون من خلال اللينك دا:

Https://books.google.com/partner

طرق البحث عن الكتب في جوجل

فيه طريقتين نقدر نبحث بيهم عن الكتب في جوجل، وهما:

Basic search البحث الأساسي 

نقدر نبحث بالطريقة من خلال اللينك دا:  Books.google.com

نكتب في مربع البحث اسم الكتاب أو الجملة اللي بنبحث عنها في أي كتاب.

البحث المتطور Advanced google search

زي ما اتعودنا إن البحث المتطور بيساعدنا نوصل لنتيجة محددة من البحث وبيسهل علينا خطوات كتير… طيب ازاي ادخل عليه؟

من setting اضغط على advanced search هتظهر لنا صفحة بتتكون من الاختيارات التالية…

1. Words:

• All of the words: البحث عن كل الكلمات المكتوبة.
• Exact phrase: البحث عن جملة بعينها.
• At least one of the words: البحث عن كلمة واحدة على الأقل من الكلمات المكتوبة.
• Without the word: البحث عن كل الكلمات ما عدا كلمة واحدة.

2. Search:

• All books: البحث في كل الكتب.
• Limited preview: البحث في الكتب الغير متاحة أون لاين.
• Full view only: البحث في الكتب المتاحة مجاناً أون لاين.
• Google ebokks only: البحث في الكتب الإلكترونية بس.

و لنتيجة أفضل وأكثر دقة الأفضل يحبذ البحث في كل الكتب.

3. Content:

• All contents: البحث في كل أنواع المكتبية.
• Books: البحث في الكتب فقط.
• Magazines: البحث في المجلات فقط.

و طبعاً يحبذ البحث في كل الأنواع.

4. Languages: متوفر البحث عن الكتب بأكتر من ٤٠ لغة مختلفة.

5. Title: البحث باسم عنوان معين للكتاب.

6. Author: البحث باسم المؤلف.

7. Publisher: البحث عن اسم الناشر.

8. Subject: تقدر تبحث عن كتاب بالمضمون اللي يحتويه الكتاب والأفضل إنك متحددش مضمون معين عشان نتيجة بحث أدق.

9. publication date: البحث عن الكتب بتاريخ نشره ودا بيكون نوعين:

• Any time: نشر في أي تاريخ.
• Between (       ) and (       ).

مثال: البحث عن كتاب نُشر في الفترة بين (٢٠٠٥) و(٢٠٠٧)… نتيجة البحث هتكون في كل الكتب اللي نُشرت خلال الفترة الزمنية دي حتى لو كتاب اتكتب من سنة ١٩٦٠ وأعيد نشره في الفترة دي هيطلع في نتيجة البحث.

10. ISBN and ISSN: مهم خالص نعرف الفرق بين الاتنين.

الفرق بين ISBN وISSN

International Standard Book number (ISBN)

هو رقم بيتكون من ١٠ أرقام رقم محدد منفرد لكل كتاب من سنة ١٩٧٠، وفي سنة ٢٠٠٧ أصبح ١٣ رقم.

بيستخدم للكتب وأي حاجة شبيهة للكتب زي pamphlets / ebooks.

International Standard Serial Number (ISSN)

هو رقم بيتكون من ٨ أرقام محددة لكل كتاب من سنة ١٩٧٦ وبيتحط للمجلات والجرايد والصحف.

تقدر تحدد نتيجة البحث بإنك تبحث برقم من الاتنين وطبعاً النتيجة هتكون specific جداً.

ما هي نتائج البحث عن الكتب (Basic Results)؟

بعد ما اتكلمنا عن البحث العادي والبحث المتطور في Google book search وعرفنا الفرق بين ISSN and ISBN  خلينا نتكلم عن نتايج البحث Basic Results، وهي كالتالي:

1. عنوان الكتاب وبيكون باللون الأزرق.
2. اللينك وبيكون تحت العنوان مباشرة وباللون الأخضر.
3. اسم مؤلف الكتاب وتاريخ النشر.
4. ملخص بسيط عن محتوى الكتاب في كام سطر.
5. في حالة إنه كتاب منشور على العام تقدر تطلع على كل الكتاب من أول صفحة لآخر صفحة.
6. صورة مصغرة للكتاب.
7. كل الإصدارات من الكتاب دا.

أدوات نتائج البحث Search Result Tools

من خلال بعض الأدوات دي تقدر تسهل الوصول لنتيجة بحث ملائمة، ودا بيكون كالتالي:

1. View:

• تختار إذا كنت نتيجة البحث في وضع الـ full view.
• أو في وضع الـ full view مع الـ preview.
• أو Any view.

2. Document:

• تختار إن نتيجة البحث تكون في كل الكتب فقط Books.
• أو مجلات Magazines.
• أو صحف فقط News paper.
• أو في أي حاجة منهم Any document.

3. Time: تختار نتيجة البحث تكون:

• في الكتب المنشورة في القرن الـ 21.
• أو الكتب المنشورة في القرن الـ 20. 
• أو الكتب المنشورة في القرن الـ 19.
• أو تقدر تحدد مدة محددة Custom range.

4. Sorted by: طريقة فرز النتائج:

• إما عن طريق الأكثر ملائمة للبحث.
• أو فرد بالتاريخ الأقرب ثم الأبعد.

ودي كانت لمحة سريعة عن كيفية البحث عن الكتب في جوجل، دلوقت تقدر تقرا بكل سهولة مع جوجل…

لو عاوز تعرف أكتر عن أسرار جوجل شوف المقال دا: أسرار البحث في جوجل | معلومات قد تخفى عليك

أدوات وخدمات جوجل

أسرار جوجل | خرائط جوجل GOOGLE MAPS

المفهوم الناقص عن خرائط جوجل هو إنه مجرد أداة عشان نعرف بيها اتجاهات عنوان معين عايزين نوصله وبس، لكن الحقيقة إن الموضوع أوسع وأشمل من كدة بكتير.

Google Maps من أهم الاختراعات والتقنيات الحديثة اللي بيقدمها لنا جوجل.

في المقال دا هنتكلم بالتفصيل عن سر من أسرار جوجل وهي البحث عن الأماكن باستخدام خرائط جوجل، وإيه الخصائص المتاحة اللي جوجل بيوفرها عشان يسهل علينا كتير طرق البحث.

‎قبل ما ندخل في التفاصيل هنتكلم الأول عن مبادئ البحث في Google maps (البديهيات اللي هتفيدنا خلال رحلتنا في البحث).

‎ازاي أدخل على الموقع؟

أول حاجة ندخل على اللينك دا:

https://maps.google.com

بمجرد دخولك بتظهر صفحة عبارة عن خريطة كبيرة للعالم كله، وبالتحديد الموقع اللي أنت متواجد فيه حالياً.

‎يعني مثال… لو أنت فتحت الموقع وأنت موجود في مصر هيفتحلك بالتحديد خريطة مصر.

ازاي اعمل zoom in /zoom out؟

من الحجات المهمة اللي هتساعدك في البحث عن الأماكن إنك تعرف ازاي تكبر صورة الخريطة اللي قدامك وازاي تصغرها، ودا بيكون بكذا طريقة:

1. :zooming control: فيه علامتين علامة (+) معناها zoom in، وعلامة (–) معناها zoom out.

2. slider bar: لما بتطلعه لفوق معناه zoom in ولو نزلته لتحت معناه zoom out.

3. لو أنت بتستخدم الفأرة mouse: موجود فيها طبعا mouse scroll wheel.

كمان ممكن نستخدمها كـ zooming .control

4. لو بتستخدم الـ mouse pad الموجودة في اللاب توب هتستخدم 2 أصبع لفوق zoom in، ولتحت zoom out.

الأربعة خيارات دول مش بيحددوا مكان معين ولكن بشكل عام، لكن لو عملت double click على مكان معين محدد على الخريطة هيعمل zoom in على المكان دا بالأخص.

خاصية الصور الواقعية street view 

‎

فيه خاصية مبهرة جداً وبتعبر عن التطور التكنولوجي الرهيب لجوجل.

‎هنلاقي موجود في أسفل الخريطة علامة صفراء Pegman – street view control.

‎دي مجموعة كبيرة من الصور للشوارع والأماكن عن قرب وواضحة جداً للمكان اللي أنت بتبحث عنه.

‎جوجل بيستثمر أموال كتيرة توصل لملايين من الدولارات عشان يوصل لصور واضحة لكل شارع في العالم.

‎الصور بتكون واضحة لدرجة إنك بتحس إنك سافرت المكان دا زي صور الشوارع والسيارات والحدائق والمعالم الأثرية وممكن كمان صور للناس نفسهم.

‎حاول تفتح الموقع وتجرب معانا وتلف العالم مع google map هتحس إن الموضوع ممتع جداً.

ازاي تبحث عن الأماكن في خرائط جوجل؟

‎

زي ما قلنا قبل كدا إن أول مكان بيظهر لك على الخريطة بيكون مكان تواجدك الحالي.

‎لو أنت مثلاً في مصر هيفتح خريطة مصر، طيب لو عايز تنتقل لمكان تاني و ليكن أمريكا هنعمل ايه؟

‎

هتضغط ضغطة مطولة بالـ mouse على الخريطة مع تحريك الخريطة يمين أو شمال (شرق أو غرب) فوق أو تحت (شمال أو جنوب) لحد ما بتوصل للبلد اللي أنت عايزها هتضغط عليها double click هيجيبهالك.

‎

ولكن أفضل وأسرع طريقة للبحث هي من خلال مربع البحث الموجود أعلى الصفحة… ممكن تكتب أي مكان بتبحث عنه جوا مربع البحث هتحصل على أفضل نتيجة مرضية.

احنا عندنا 3 طرق مهمين جداً للبحث هيسهلوا عليك خطوات كتير جداً…

location search

ببساطة لو بتبحث عن موقع معين عندك 4 طرق تقدر تبحث من خلالهم:

1. zip code: عن طريق الرمز البريدي للمنطقة، تعرفه منين؟ تبحث عنه في Google.
2. city-state: اسم المدينة أو الدولة
3. street-zip code: اسم الشارع مع الرمز البريدي.
4. full address: عنوان كامل للموقع اللي بتبحث عنه، ودي أسهل طريقة وأكثر طريقة محددة.

استخدام طريقة من 4 دول هيوصلك لنتيجة محددة جداً للمكان سواء:

• مجموعة من الصور للمكان.
• الاتجاهات.
• نبذة مختصرة عن المكان.
• الفنادق المتاحة القريبة من المكان.

دا طبعاً بيفيد المترجمين لما يكون العنوان لدولة أجنبية ومحتاج يعرف أسامي الشوارع الأجنبية

لأن أسامي الشوارع الأجنبية لا تترجم ولكن تكتب زي هي.

Business search

لو مش متوفر عنوان مفصل للمكان أو رمز بريدي أو اسم شارع أو مدينة دي طريقة سهلة لمعرفة مكان مجهول عنوانه بس أهم حاجة يكون ماهية المكان معروفة زي شركة أو مطعم أو فندق.

على سبيل المثال : لو هتبحث عن مطعم هندي مش عارف اسمه ولا عنوانه… اكتب كلمة Indian restaurant في مربع البحث وجنبها الموقع اللي بتبحث في المحيط بتاعه.

هتلاقي نتيجة البحث عبارة عن عشرات النتائج عن مطاعم هندية قريبة من المنطقة اللي أنت كتبتها.

لما بتختار المطعم المطلوب تضغط عليها هيظهر descriptive balloon فيها كل المعلومات عن المطعم، زي اسمه وعنوانه بالكامل، والاتجاهات اللي توصلك ليه والموقع الالكتروني بتاعه ورقم التليفون لو متوفر وصورة مصغرة للمكان كمان.

فيه خيار more بينزل منه pull down menu:

• ممكن تعمل zoom in or out  للمكان.
• ممكن تكتب تعليقك أو تقرأ تعليقات الناس على المكان.
• ممكن ترسل كل المعلومات المتوفرة عن المكان للإيميل أو للتليفون أو الـ GPS.

المعلومات اللي بتظهر تختلف من مكان للتاني على حسب المعلومات اللي جوجل قدرت توصلها عن المكان.

Driving directions

بعد ما وصلت للمكان اللي بتبحث عنه آخر خطوة إنك تقدر تعرف الاتجاهات ازاي توصله.

بشكل عام لو عايز تعرف اتجاهات أي مكان اضغط على خانة Get directions هيظهر خانتين A / B:

• A: نقطة الانطلاق (المكان اللي أنت هتتحرك منه).
• B: نقطة الوصول (المكان اللي عايز تروحله).

فيه أوبشن إنك تكون محدد نقطة انطلاقك عموماً مكان بيتك أو مكان شغلك، وبعد ما توصل للمكان لو عايز ترجع لنفس المكان اللي أنت جيت منه اضغط على reverse directions (سهمين لونهم أزرق على الشمال).

بعد ما عرفت الاتجاهات اضغط على خانة options هيظهرلك بعض الاختيارات الأخرى المتاحة زي إنك مثلاً عايز تعرف حساب المسافة سواء بالـ Km  ولا الـ mile.

لو عايز توصل لموقع معين مش محدد على الخريطة تقدر تحرك السهم للمكان المطلوب على الخريطة نفسها وتقدر تضيف نقطة وصول إضافية بالضغط على add destination.

تقدر كمان تطبع صورة الخريطة والاتجاهات ولكن هيقابلنا مشكلة وهي إنه للأسف الصورة الموجودة قدامك على الشاشة بتكون في وضع landscape وأي طابعة بتطبع في وضع portrait فقط.

لو حاولت تطبع من أي مكان برة صفحة google maps مش هتوصل لصورة واضحة، وبالتالي الحل الوحيد إنك تضغط على print اللي موجودة في الخيارات المتاحة.

الصورة المطبوعة بتكون:

• صورة الخريطة بشكل عام.
• صورة الاتجاهات.
• صورة لخطوات الاتجاهات بالكتابة text only.
• صورة للشوارع عن قرب street view.

كمان لينك الاتجاهات على GPS تقدر ترسله لأي شخص عن طريق الـ mail  أو للموبايل.

الأماكن اللي متعود تروحها باستمرار، زي مثلاً مكان البيت أو الشغل كلها بتكون محفوظة في ذاكرة google maps في الخيار my places.

الخلاصة، زمان كان أي حد عايز يوصل لمكان معين كان لازم يروح المكتبة يبحث عن خريطة ورقية للمكان وطبعاً دا كان صعب جداً.

لكن حالياً عشان نوصل لأي مكان في العالم أو نعرف معلومات عن أي مكان في العالم متاح وأنت قاعد في بيتك بصغطة زر كل الخيارات متاحة.

الأنواع المختلفة لشكل الخريطة Layers

google maps بتقدملك مناظر مختلفة لنفس المكان الغرض منها مساعدتك في البحث

بنسميها Layers، وهي:

1. Maps: الشكل العام لخريطة المكان المقصود وشكل الطرق بصورة عامة.

2. Satellite: هو صورة عامة للخريطة + صورة فوتوغرافية للموقع نفسه.

مش كل المناطق متغطية بـ satellite ممكن تكون الصورة من شهر أو سنة ولم تحدث.

3. Terrain: صورة 3D بالتضاريس والجبال والهضاب.

4. traffic: حركة المرور الحالية وبتكون متحدثة وكمان بتعتمد على color code فهنلاقي مثلا:
   • الأخضر: أكتر من 50 ميل/ ساعة.
   • الأصفر: 25- 50 ميل/ ساعة.
   • الأحمر: أقل من 25 ميل/ ساعة.
   • الأسود: بطيء جدًا.

5. Photos: صورة للموقع ممكن تكون صور عادية وممكن تكون بانوراما.

6. Labels: اسم الشارع والمدينة والحدود وبتكون في الـ satellite view.

7. Weather: المناخ ودرجات الحرارة وبتكون متوفرة Celsius or fahrenheit.

8. Videos: ممكن كمان تتفرج على فيديو للمكان.

9. Wikipedia: لينكات لمقالات فيها معلومات تخص المكان.

10. Bicycling: بتحدد الطرق المسموح فيها باستخدام الدراجة.

11. 45 degree: صورة متاخدة بزاوية ٤٥ اسمها birds’ eye view مقربة وواضحة أكتر من satellite.

12. Transit: شبكة وسائل المواصلات العامة الموجودة في المكان.

أخيرًا… أهم حاجة موجودة في Google maps هي الاتجاهات Directions.

ودا اللي قائم عليه برنامج google maps اللي بيتحمل على كل التليفونات smart phones.

تقدر توصل لأي مكان عن طريق الخريطة وبيحدد لك إذا كنت عايز توصل للمكان بالسيارة العادية ولا أتوبيس ولا الدراجة ولا طيران ولا مشي.

ممكن تحفظ الموقع عن طريق save أو تختار المطاعم القريبة أو الفنادق القريبة وهكذا nearby.

ممكن ترسل الموقع لتليفونك الشخصي send to your phone أو تشارك الموقع مع حد share.

وبكدا نكون وضحنا أهم النقاط اللي يهمك تعرفها لما تيجي تبحث عن الأماكن في جوجل.

أدوات وخدمات جوجل

أسرار البحث في جوجل | معلومات قد تخفى عليك

يمكن كتير مننا بقي يسمع الجملة المشهورة دي في السنين الأخيرة You Don’t Know it Google it، من كتر أهمية جوجل تم استحداث فعل جديد في اللغة الانجليزية اسمه Google it: معناه ابحث عنه في جوجل.

ودا يبين لك قد إيه جوجل أصبح مهم جدا في حياتنا وعشان كدا كان لازم نعرف أسرار البحث عليه…

في المقال دا هنتكلم عن بعض أسرار البحث في جوجل اللي يهمك تعرفها، ولكن خلينا نسأل الأول…

هو جوجل بيعرف ايه؟ 

جوجل يعتبر أكبر منصة بحثية على الإطلاق، وبالتالي بيتوفر عليه كم مهول من المعلومات في مختلف المجالات والعلوم، يعني على سبيل: 

1. اكتب google timer تظبط وقت البدء والنهاية.

2. جوجل بيعرف يحسب: اكتب calculator هتلاقي آلة حاسبة.

3. جوجل يقدر يحول من وحدة قياس لوحدة تانية زي من ميللي متر لكيلو متر 

4. جوجل بيعرف العملات النقدية و تحويل العملات على مستوى العالم زي إن الدولار بيعمل كام جنيه مصري مثلا؟

5. جوجل بيعرف كل التعريفات لكل المصطلحات العلمية في كل المجالات.

لو عايز تعرف أكتر عن البحث في المجال العلمي، شوف المقال دا: أسرار جوجل | البحث في المجال العلمي GOOGLE SCHOLARS

6. جوجل بيعرف عناوين ومواعيد كل الأفلام العالمية.

7. جوجل يقدر يوفر ألبومات الأغاني والموسيقى لأي فنان في العالم بالسيرة الذاتية بتاعته وكل أعماله كمان، وطبعًا بجانب مؤلفين الكتب والروايات. 

لو عايز تعرف أكتر عن طرق البحث عن الكتب، شوف المقال دا: أسرار جوجل | البحث عن الكتب

8. جوجل بيعرف كل رحلات الطيران من وإلى الأماكن المختلفة.

9. جوجل بيعرف الإحصائيات والأرقام العالمية ومؤشرات الأسهم في البورصات العالمية والمحلية.

10. جوجل بيعرف المناخ على مستوى العالم بجانب مواعيد شروق وغروب الشمس، دا غير إنه بيعرف التوقيت المظبوط في أي بلد في العالم.

11. جوجل بيعرف الإجازات الرسمية والأعياد الدينية والقومية.

12. جوجل بيعرف نتيجة المباريات والمسابقات الرياضية وكل ما يخص أخبار الرياضة.

13. جوجل بيعرف يحسب قوة الزلازل التنبؤية.

جوجل بيعرف كل البيانات والمعلومات العامة لأي حاجة زي الأوبئة والأمراض على مستوى العالم، وأخيرًا وليس آخرًا… جوجل بيعرف يترجم. 

وعشان نعرف أكتر عن أسرار البحث في جوجل لازم نعرف الأول إيه هي عناصر البحث…

ايه هي عناصر البحث في جوجل؟

Autocomplete الإكمال التلقائي

ودا معناه إنك بمجرد ما تكتب حرف من الكلمة اللي أنت بتبحث عنها، هتلاقي جوجل بيقترح عليك أي حاجة مشابهة أو مكملة للحرف اللي أنت كتبته، وبيخمن دا عن طريق الـ history بتاعتك يعني أنت متعود تبحث عن إيه.

Google Instant البحث الفوري

ودا معناه إنك بمجرد ما تكتب في مربع البحث المصطلح اللي بتبحث عنه، هتلاقي جوجل بيقترح عليك كل النتائج المحتملة وكل ما بتكتب أكتر النتائج بتتغير عشان تلائم اللي حضرتك بتبحث عنه وبمجرد ما تلاقي نتيجة البحث المرجوة بتتوقف أنت عن الكتابة… طب يا ترى دا لازمته إيه؟!

وجدوا إن الـ google instant بيسرع عملية البحث وبيوفر عليك في كل مرة بحث وقت بيضيع فبالتالي وقت البحث بيكون أقصر بكتير وطبعًا أنت تقدر تتحكم فيه زي إنك تفعله أو تلغيه على حسب احتياجك.

إزاي بتفعله؟… بتضغط على الزر أعلى يمين الشاشة – منها إعدادات setting ومنها عندك اختيارين:

• always show instant results أظهر البحث الفوري دائما.
• never show instant results لا تظهر البحث الفوري أبدا.

Voice search البحث الصوتي

جوجل بيوفر لك خدمة صوتية للبحث عن طريق الميكروفون بدلاً من الكتابة وطبعًا ده بيوفر عليك وقت طويل في البحث.

Next/previous page الصفحة القادمة/ السابقة

بعد ما بتوصل لنتائج البحث بتكون على صفحات عشان تعدي من الصفحة الأولى للصفحة التانية بتضغط على next بس لازم تاخد بالك من نقطة مهمة وهي إنك كل ما بتبعد في عدد الصفحات كل ما العلاقة بنتائج البحث بتكون أبعد وغالبًا اللينك الأول بيكون أقرب نتيجة للبحث بتاعك.

Result type نوع البحث

طبعًا كلنا عارفين إن ممكن يكون البحث في الويب أو الصور، وممكن تختار فيديو، وممكن يكون بحثك عن خرائط، أو عن كتب.

كل دا جوجل بيوفره لك في شريط من فوق تحت مربع البحث مباشرة عشان يسهل عليك الوقت في البحث.

Quotes and Phrases الاقتباسات والعبارات

ودا من أهم السبل اللي ممكن تساعدك في شغل الترجمة، وهو إنك تبحث عن جملة بعينها عشان تقدر تعمل توطين وترجمة مناسبة، ودا بيكون من خلال إنك بتحط الجملة بين علامتين تنصيص  “……..” ونتيجة البحث هتكون عن الجملة بأكملها.

الفرق بين خانة google search وخانة I’m feeling lucky

كلنا لما بنفتح موقع google بنلاقي مربع البحث اللي بنكتب فيه عادي، لكن بيبقى فيه خيار من اتنين:

• خيار اسمها google search.
• خيار تاني اسمه I’m feeling lucky.

كلنا عارفين يعني إيه google search زي ما اتكلمنا قبل كدة… طيب ايه بقى الخيار التاني دا؟؟

بدل ما نتيجة البحث تكون قائمة مواقع وروابط مختلفة، الخانة دي بتوصلك مباشرةً للموقع اللي بتبحث عنه، زي مثلا:

• لو كتبت في مربع البحث كلمه زي Microsoft مباشرةً يوصلك لموقع www.microsoft.com
• كتبت في مربع البحث nike مباشرةً يوصلك لموقع www.nike.com
• لو كتبت في مربع البحث كلمه wikipedia مباشرةً يوصلك لموقع www.wikipedia.org

طيب دا أهميته إيه أو إيه الفرق بينه وبين البحث العادي؟… ببساطة أنت ممكن تكون بتدور على حاجة في موقع بعينه، وبالتالي هيوفر عليك وقت كبير جداً عشان توصل للموقع المطلوب.

ازاي نركز على نقاط محددة في البحث؟

• لو محتاج تبحث عن كل كلمة في مربع البحث هتكتب حرف “و” “And”، وبالتالي كل كلمة في مربع البحث هتكون في اعتبار محركات البحث.

• لو بتبحث عن كلمة بعينها أو جملة بعينها على بعضها بتحطها بين أقواس تنصيص “…”، وبكدا كل كلمة بين الأقواس هتكون في اعتبار محركات البحث.

• لو بتبحث عن كلمة واحدة من بين حاجتين أو أكتر بتكتب “أو” “OR” يعني كلمة واحدة أو جملة واحدة من الاتنين هتكون في اعتبار محركات البحث.

• لو مش عاوز البحث يكون عن كلمة معينة اكتب “NOT”، وبكدا ولا كلمة من اللي كتبتها هتكون في اعتبار محركات البحث.

• لو بتبحث عن أرقام تتراوح بين كذا وكذا بتكتب الرقمين و محركات البحث هتبحث فيما يتراوح بينهم، يعني مثلا لو بتبحث عن كاميرا من سعر 2000 إلى 3000 هتكتب الرقمين دول.

• لو بتبحث عن صفحات لها علاقة بموقع معين بتكتب كلمة “RELATED” قبل الموقع اللي أنت عايزه، يعني مثلا لو بتبحث عن صفحة تخص موقع Facebook هتكتب related:facebook.com، وبالتالي نتائج البحث كلها هتكون في موقع الفيس بوك.

أسرار البحث عن الصور

ببساطة ازاي ابحث عن صور في جوجل؟… عندي ٣ اختيارات:

1. إما تكتب images.google.com.
2. تضغط على زر الصور images في الشريط اللي تحت مربع البحث.
3. تكتب جنب كلمة البحث كلمة صور أو images أو pictures.

كمان فيه حاجة اسمها بحث متقدم ودا بتستخدمه لو لسة مش عارف توصل لنتيجة مرضية، وخيارات البحث المتقدم في الصور بتكون:

1. حجم الصورة image size: بتختار حجم الصورة يعني ممكن تختار أي حجم أو تقدر تحدد حجم معين سواء كبير أو صغير.

2. أبعاد الصورة Aspect ratio: ممكن تكون طويلة أو مربعة أو واسعة أو بانوراما.

3. الألوان في الصورة colors in image: ممكن تختار الصورة تكون بأي ألوان أو تختار من دائرة الألوان أو تكون أبيض وأسود.

4. نوع الصورة type of image: بتبحث عن صورة وجه face ولا صورة clip art ولا صورة line drawing.

5. المنطقة region: ممكن تختار مكان الصورة جغرافياً، وبتختار من القائمة أي دولة عاوزها.

6. موقع site or domain: ممكن تكتب لينك URL معين، زي .gov أو .org.

7. نوع الملف file type: تقدر تتحكم في امتداد الصورة JPG – GIF – PNG – BMP – SVG – WEBP – or ICO.

8. حقوق الاستخدام والنشر Usage Rights: قبل استخدام أي محتوى أو أي صورة لازم أتأكد إن صاحبها يسمح باستخدامك لها ولا مش بيسمح، وفي الحالة دي بيكون حاطط رخصة حقوق استخدام ودا عن طريق فلتر حقوق الاستخدام usage rights filter بواسطة موقع اسمه www.creativecommons.org 

الفلتر بيشمل:

• صور بدون رخصة: جوجل بيحدد البحث في الصور اللي بدون رخصة يعني مجانية ومتاحة للجميع.

• صور متاحة للاستخدام أو المشاركة في نشاط غير ربحي زي الصور اللي بننشرها على الفيس بوك ومواقع التواصل الاجتماعي.
• صور متاحة للاستخدام أو المشاركة لكن في نشاط ربحي تجني من وراه فلوس.
• صور متاحة للاستخدام أو المشاركة، وكمان متاح تعدل عليها براحتك بس في نشاط غير ربحي.
• صور متاحة للاستخدام والمشاركة والتعديل لكن في نشاط ربحي تجني من وراه فلوس.

أسرار ترجمة جوجل Google translate

جوجل بعد ما قدمت كل الخدمات دي مكانش ينفع تهمل أهم خدمة ممكن تتقدم زي (الترجمة)، اكتبها في مربع البحث هتظهر لك شاشة فيها مربعين كبار مربع فيه اللغة اللي أنت عايز تترجم منها والمربع التاني اللغة اللي أنت بتترجم لها، وتقدر تختار أي لغتين في العالم كله.

مش بس كدة… فيه خدمة النطق ودي علامة المايك لما تدوس عليها بينطق الكلمة بنطقها الصحيح.

كل اللي فوق دا لو عايز تترجم كلمة أو جملة صغيرة، طيب لو عايز بقى تترجم مقال كامل؟

لما تضغط على اول لينك في البحث هتظهر شاشة تانية فيها أوبشنز للترجمة متطورة أكتر، فيه زرار مكتوب عليه documents تقدر تختار أي ملف word وترفعه وهو هيترجم بضغطة زر واحدة.

خد بالك من نقطة مهمة جدًا جوجل عامل زي الروبوت يعني لو أنت بتشتغل مترجم مينفعش تعتمد عليه اعتماد كلي، ولكن بيساعدك كتير في فك شفرات الترجمة.

وأخيرًا جوجل كدعم منها لمجتمع الترجمة والمترجمين عملت Google translate community عشان تساعدهم ينموا مهارة الترجمة ودا من خلال إنك بتختار أكتر لغات بتتقنها من ٢ لـ ٥ وبيظهر شاشة فيها اختيارين Translate – Validate وعلى حسب عدد الكلمات اللي أنت بتترجمها بتتضاف لك، ولو ترجمتك فعلًا ممتازة بتاخد بادج يا إما ستار أو كاس، ودا طبعا بيتحط في السي في بتاعك.

وبكدا نكون عرضنا جزء بسيط من أسرار جوجل نتمنى إنه يفيدك…