التصنيف: قصص نجاح
سارة خطاب
أنا سارة خطاب
صيدلة اسكندرية دفعة ٢٠١٦
⚡️انا مكنتش زي كل زمايلي اللي نزلوا اتدربوا في صيدليات اثناء الدراسة
كنت شايفة اني اعطي لكل وقت حقه الدراسة للدراسة وكدة كدة بعد التخرج هشتغل 😅
⚡️بعد ما اتخرجت زي أي صيدلي دورت عالشغل في الصيدليات بس أنا اشتغلت في صيدلية أهلية بسعر رخيص جدًا حقيقي 😂🤚
كنت بييع بامبرز وأكياس جل عادي 😂
بس الدكتور صاحب الصيدلية كان حريص إنه يعلمني أساسيات الشغل وقد كان
اتعلمت بداية الطريق وازاي اتعامل مع المرضى وازاي اكسبهم.
⚡️بعد ٥ شهور قررت إني استقيل عشان الشغلانة دي مش جايبة همها والمرتب ضعيف جدًا
✨وبالصدفة عرفت من صحابي إن فيه صيدلية مجانية جنب مستشفى الميري عايزة ناس متطوعين بسعر زهيد جدًا قلت أجرب 😃
💡بدأت في الصيدلية اتعلمت حاجات كتير جدًا لاننا كنا مقسمين الصيدلية بالمادة الفعالة😍
✨وطبعًا فرز الأدوية كان عدد كبير جدًا مكناش بنلحق نخلص من تقل الشغل 🤚
بس اتعلمت وربطت اسامي الادوية بالمادة الفعالة بقيت عارفة كل مادة بتعمل ايه ❤️
وكان بيجيلنا روشتات تقيلة لأمراض تقيلة جدًا
٦ شهور كانوا تجربة رائعة جدًا 😍❤️
✨بس للأسف أنا كنت بدفع في المواصلات أكتر من اللي باخده فاضطريت إني أسيب المكان تاني.
✨بعدها اتجهت لإني اشتغل في سلسلة صيدليات معروفة الحمد لله اتعلمت ازاي أكلم الكول سنتر في الشركات عشان اخد موافقات الصرف 🤚
💡سنة كاملة مش هقول إني متعلمتش لا اتعلمت خبرات كتير أهمها التعامل مع الزباين والصبر عليهم وعلى عصبيتهم والتحكم في أعصابي 🤚😅
💡بعدها استلمت تكليفي الحكومي وبدأت مرحلة جديدة في حياتي حيث الورق والدفاتر و التنزيل و الحركات وحاجة كدة عسل اوي 😅
💡اتعلمت حاجات جديدة ونجحت جدًا في العهدة بتاعتي وكانوا بيحلفوا بيا وبانتظامي أنا كنت منظمة جدًا وكل شغلي كان مظبوط…
⚡️بعد سنة اخدت هدنة طويلة وقررت اخد اجازة واسيب كل دة وأسافر برة مصر، لما سافرت كان لازم ادور على شغل عشان اقدر اصرف على نفسي.
⚡️بدأت ابحث في مجال الفريلانس وبالأخص الترجمة الطبية عشان بحب اللغات…
💡وانا في طريقي بدور لقيت كورس الترجمة الطبية التحريرية اللي بتعمله ابن سينا
اخدت الكورس و قبل ما ينتهي كنت بدأت اشتغل في اكاديمية ابن سينا Content creator
في الأول كنت حاسة برهبة وخوف دا شغل جديد وغريب جدًا عليا
💡بعد سنة من شغلي في ابن سينا بفضل الله اتعلمت حاجات بعمري كله اللي فات 🥰
💥كتبت سلسلتين كاملين عن الذكاء العاطفي وأسرار البحث في جوجل
💥لخصت كتب وترجمت مقالات وكتبت محتوى.
💥بعدها أخدت كورس كتابة المحتوى واتعلمت قواعد الكتابة ويعني إيه تسويق بالمحتوى
واشتغلت في صفحات أون لاين تسويق بالمحتوى
💡أثناء دا كله عرفت كلمة السر للنجاح هي: إني أفضل اتعلم تعليم مستمر وما اقفش مكاني
⚡️اخدت كورسات في الفوتوشوب و الديزايننج واشتغلت ديزاينر…
💡والأهم من كل دا إني بدأت في مجال التعليق الصوتي واتعلمت واخدت كورسات وقرأت مقالات واتفرجت على فيديوز وإلى الآن بشتغل على نفسي وبتعلم
🔥وحاليًا انا بشتغل
Voice over team leader في منصة ترياقي…
وهو موقع متخصص في مقالات الصحة النفسية والعلاج النفسي.
🔥وكمان مدرب في كورس التعليق الصوتي لأكاديمية ابن سينا.
🔥مش بس كدة انا بفضل الله فتحت صيدلية باسمي د. سارة خطاب و بشتغل فيها ❤️❤️
⚡️وهي دي مسيرتي المهنية والعملية وأتمنى إني أفضل اطور من نفسي وأقدر أتعلم مهارات أكتر وأكتر.
⚡️أنا بعتبر نفسي نجحت الحمد لله في كل مراحل حياتي في كل المجالات
بفضل ربنا عز وجل
ثم بفضل دعم الناس اللي بحبهم و على رأسهم زوجي ❤️
هل ممكن شغفك باللغة العربية ينقلك لمكان تاني ويفتح طرق تانية؟
التالي، صيدلي حول شغفه باللغة العربية إلى علم يفيد به الآخرين…
نورا عبد العظيم
الشغف بداية الإبداع👌
في مقولة لكونفوشيوس بتقول أنك لو حبيت اللي بتشتغله يبقى مش هتشتغل تاني👍، بمعنى اشتغل في اللي بتحبه علشان متحسش بضغط وتستمتع بيه.
طبعا أنا بحب مهنتي جدا وبعتز بيها💞، لكن الصيدلة مهدور حقها كليا في مصر😔، علشان كده كلنا بنفكر بس في الكارير شفت.
معاكوا نورا عبدالعظيم
خريجة صيدلة المنصورة ٢٠٠٩
ماجستير الكيمياء التحليلية الصيدلية ٢٠١٨ ومن هنا كانت بداية الرحلة في مجال العمل الحر👌 طبعا هتقولولي إزاي؟
🎆بمارس الكتابة من وأنا في الإعدادية كتابة قصص وشعر وكنت محرر الجريدة المدرسية في الإعدادي والثانوي.
🎆كتبت لمدة عام في مجلة إلكترونية.
تقدروا تقولوا الموهبة موجودة🤩 ولأن دايما الموهبة مش كفاية لازم نصقلها بالخبرة والمعرفة دورت كتير وبحثت لوقت ما دخلت جروب Medical Freelance Forum وجه كورس ابن سينا ووفرلي دي الحقيقة وكنت الدفعة الثالثة💞 في كتابة المحتوى الطبي وبسببه حققت التالي:
⬅️حصلت على عمل دائم ككاتبة محتوى طبي والحمد لله قبل ما خلص الكورس وكل المقالات اللي كتبتها صفحة أولى ومنها نتيجة أولى💓 والمشروع دا وصلتله من النشرة اللي بتنزلها صفحة ابن سينا
https://www.facebook.com/Ibnsinatrainingacademy/
⬅️تاني إنجاز وأحلاهم أحد مؤسسي موقع #جميلتي ومراجع ومدقق لغوي وبالمناسبة دا أول موقع اتعمل من متدربي #ابن_سينا
https://jamilty.com/
ولينا صفحتنا على الفيسبوك باسم #جميلتي ♥️ تابعونا بينزل عليها بوستات مفيدة ومتنوعة واللي بيكتبها وبيكتب المقالات فريق من أطباء وصيادلة، يعني المعلومة هتاخدوها ثقة💪https://www.facebook.com/jamiltydotcome/
⬅️وعلشان كده اتحمست وأخدت #كورس_التعليق_الصوتي، لأن كل موهبة وراها كنز مدفون ابن سينا بتخرجه وبتعلمك تستغله إزاي👍
⬅️والحمد لله من قريب انضميت كمراجع ومدقق لغوي لفريق المراجعة بأكاديمية بن سينا 💞
وإن شاء الله مكملين.
عبد الرحمن توفيق
أنا عبدالرحمن جمال الدين توفيق
صيدلي دفعة 2017
⚡️يمكن أكتر حاجة أنا بحبها هي اللغة العربية والشعر العربي وده اللي كان مختلف عن دراستي تماما.
⚡️وكمان كنت معلم قرآن وده حسن اللغة كثيرا.
⚡️وحاليا معيد فارماكولجي.
💡التغيير بدأ من هنا
⚡️في فبراير 2018 شفت لايف لدكتورة ميسم مع الدكتور الجويلي ومع إني مش بسمع لايفات في الأغلب بس اللايف ده كملته للآخر وكانت وقتها بتتكلم عن الترجمة الطبية وسوقها وعن كورسها في أكاديمية ابن سينا.
⚡️أخدت الكورس اللي خلص في شهر 8
💥وقررت إني أستضيف دكتورة ميسم في المنيا عشان نعرف الناس عليها، المهم جت دكتورة ميسم المنيا وعملنا إيفنت اسمه غير لونك ولاقى نجاح كبير بفضل الله.
⚡️وبعدين بدأت رحلتي مع ابن سينا، كنت أول واحد يتعين في التيم، في الأول كنت شغال مراجع في كورسات الترجمة من الدفعة الرابعة لحد الدفعة السابعة، وحاليا قائد فريق التدقيق في موقعنا ترياقي.
Www.Tiryaqy.com
⚡️وفي النص طبعا اديت محاضرات لغة عربية للمتدربين عشان يقدروا يكتبوا كتابة سليمة.
💥يمكن شغفي في اللغة وتعلمها وفي نقلها للناس تحقق في ابن سينا، اتعلمت مهارات كتيرة، شفت ابن سينا وهي بتكبر بالتدريج من مجرد ستارت اب لشركة كبيرة ليها فروع وكورسات ومشاريع براها، أحداثي مع ابن سينا في التلت سنين دول يمكن ميكفهاش بوست واحد.
محمد زغلول
أنا محمد زغلول
صيدلي
⚡️انا بدأت بالترجمة الطبية ك فريلانسر، وبالفعل لقيت نفسي كويس في المجال ده، وبعدين اتعلمت مجال تاني وهو كتابة المقالات الطبية بمعايير محركات البحث.
💡ومن هنا بقيت باشتغل اني باكتب مقالات طبية على كذا موقع وفريلانس برضو، طبعا كل ده وانا بروح الصيدلية الصبح عادي(التكليف)..
⚡️المهم بعد كدة قلت كمان اتعلم الديجيتال ماركتينج، وبالفعل لقيت نفسي كويس فيه.
💡والحمد الله ربنا وفقني واشتغلت copywriter في أكاديمية ابن سينا…
⚡️ودي هي الأكاديمية اللي انا اخدت كورس الترجمة الطبية معاهم اصلا في الأول وكانت هي بدايتي يعني…
⚡️المهم بدأت كمان ادرب الناس على مجال الكتابة الطبية ده وبقى عندي كورس في الأكاديمية اللي انا شغال فيها…
💡الخطوة اللي بعد كدة اني اتعلمت حاجة اسمها seo وبناء المواقع وكدة، وبفضل الله أسست موقع مع ابن سينا برضو موقع “ترياقي” وهو موقع طبي عن الصحة النفسية ممكن تبصوا عليه
💡الخلاصة يعني، لازم تستعين بالله وتجتهد جامد جدا ومش لازم تعمل شيفت كامل، وهو ده احلى حاجة في الفريلانس، ان كووول ده من البيت، بعد ما تروح من صيدليتك..
أي حاجة بقى عايز تعرفها عن الفريلانس الطبي وعن أي مهارة من الحجات اللي انا قلتها زي ال translation أو writing أو seo أو copywriting ، وفي غيرهم كمان مجالات تانية برضو تناسب الأطباء والصيادلة زي الميديكال كودينج والبيلينج، والفويس أوفر، والإحصاء الطبي، الترجمة الفورية، كووول ده هتلاقي أي حاجة انت عايزها عنه في الجروب ده:
✅انضم للجروب واستمتع وابدأ رحلة تغيير وضعك المادي كله بإذن الله..
ملاحظة: هتلاقي في الجروب سلسلة بوستات اسمها
وواحدة تانية اسمها:
ودول لازم تقراهم لو فعلا بتفكر انك تغير حياتك ماديا….
وشكرا”
Mohamed Zaghlol
Co-founder and manager of Tiryaqy/ترياقي
Content Writing Trainer / Lead generation and SEO specialist
رحاب مجدي
⚡️أنا دخلت كلية صيدلة عن اقتناع وحب
⚡️حبي للمجال وراثة عن والدي والحمد لله اتخرجت بتقدير كبير
⚡️الظروف خلتني ابعد عن الشغل فترة بسبب الجواز والبيت لكن لاني بحب جدا المجال حبيت استغل العلم واوصله للناس فكتبت تطوعي في صفحة طبية من 2013
⚡️وانا في كلية صيدلة درست مادة تسويق
ساعتها عجبني جدا الكلام وسألت المحاضر ازاي ممكن اشتغل في المجال ده
قالي هو طريق واحد
✨تشتغلي مندوب دعاية فترة بعد كده توصلي لمسئول تسويق
⚡️ولإني مبحبش شغل الدعاية اعتبرت ان المجال ده مينفعش اشتغل فيه وهو مجرد حلم مش هحققه
💡تدور الأيام ود.احمد الجويلي يرجع الحلم تاني في دماغي عن طريق جروب صغير كان بيعلمنا فيه ازاي تشتغل مسوق لصفحات الدكاترة الطبية كان شغل كتابة محتوى تسويقي بس مكنتش لسه اعرف معنى المصطلح اصلا
⚡️بعد كده اخدت الكورس ومشتغلتش بيه ومرت سنين تانية
⚡️كل ده وانا لسه بكتب تطوعي في الصفحة الطبية على الفيسبوك اللي ليهم فضل كبير عليا في حاجات كتير صفحة
Grow up your mind/ medical
💥بعد ست سنوات من التخرج الاقي كورس بن سينا لكتابة المحتوى قدامي
💥وخلال يوم وليلة سجلت واخدته
⚡️واكتشفت اني ممكن اجيب خلاط واحط فيه
✅شغفي بالتسويق
✅مهارة كتابة المحتوى الطبي وتبسيط المعلومات
✅الخلفية الطبية من دراستي
💡واعمل منهم شغل يناسبني
✨كنت طايرة من الفرحة فعلا
حسيت اني اخيرا بحقق حلم كلمته من زمان وبدرس حاجة كان نفسي ادرسها واشتغل فيها
🔥وأخيرا حققت حلمي وقدرت في سنة ونص ابقى كاتب محتوى طبي في ترياقي
ثم social media specialist
في ترياقي
🔥ومحاضر لجزء السوشيال ميديا في أكاديمية بن سينا
🔥وليدر تيم السوشيال ميديا في بن سينا
ولسه بإذن الله طريق التعلم منتهاش
لينك لينكد إن
https://www.linkedin.com/in/rehab-magdy-b40989189
هواية قديمة وسعي كتير كانوا السبب في وصولها للحاجة اللي بتحبها…
التالي، الشغف بداية الإبداع…
محمد طارق
محمد طارق
خريج صيدلة MIU دفعة 2018
اشتغلت في العديد من الصيدليات وبعد كدا درست الترجمة الطبية الفورية مع ابن سينا في 2019.
اشتغلت في أكبر شركة ترجمة في الشرق الأوسط فيوتشر جروب مترجم طبي فوري عشان اساعد اللاجئين العرب غير القادرين على التحدث باللغة الإنجليزية بطلاقة.
وبعد سنة خبرة واكتساب لمهارات العمل، قررت انشر علمي عن طريق تدريب الأطباء والصيادلة مجال جديد لتحسين دخلهم عن طريق أكاديمية ابن سينا
💥ممكن تتعرف أكتر على المجال
https://www.youtube.com/watch?v=dyb9grK9TbE
بعد محاولات كتيرة في أكتر من مجال، الترجمة الفورية كانت هي المجال اللمبة اللي نورتله حياته…