ازاى أعمل إعلان ممول على الانترنت؟
ازاى أعمل إعلان ممول؟ ويعني إيه إعلان ممول؟ وإيه هي طريقة عمل إعلان جذاب يشد الجمهور المستهدف؟ أسئلة كثيرة يطرحها الجدد في مجال التسويق، وسنتعرف في هذا المقال على كيفية عمل إعلان ممول ناجح.
ما هو الإعلان الممول؟
هو أداة للدعاية أو التسويق لمنتج أو براند معين، وبتكون تكلفته مدفوعة من قبل أصحاب البراند؛ وده عشان يوصلو لأكبر عدد من الجمهور المستهدف.
ممكن يكون الإعلان في التلفزيون أو حتى يافطة في الشارع، بس احنا هنتكلم تحديدًا عن طريقة عمل إعلان ممول على الانترنت.
ازاى أعمل إعلان ممول في 3 خطوات؟
هنتكلم بالتفصيل عن خطوات عمل إعلان ممول:
أولًا: اختيار موضوع الإعلان
تمنحك منصات ومواقع Ads manager أو (مدير إعلانات) قائمة بأنواع الإعلانات اللي ممكن تختار منها ما يناسب موضوع الإعلان الخاص بك.
طب يعني إيه مدير إعلانات في مواقع الانترنت؟
مدير الإعلانات Ads Manager هو أداة في المنصات ومواقع التواصل الاجتماعي، وتقدر من خلاله إنشاء إعلانك وإدارته وكمان بينزل tag أو بطاقة على الموقع التابع ليه اللي بيظهر فيه لوجو علامتك التجارية، ومن أمثلتها:
- جوجل Google Ads manager
- فيس بوك facebook Ads manager و Meta facebook Ads manager
-تقدر بسهولة تلاقي Ads manager في صفحة الفيس بوك الخاصة بك أعلى الصفحة على اليمين من الاختيارات في القائمة menu بجانب notifications، ومنها تقدر تبدأ في خطوات تأسيس صفحة إعلان البراند.
ثانيًا: معرفة تكلفة الإعلان
سنقف هنا عند نقطة مهمة جدًا وتحتاج تركيز، من أجل تمويل إعلان، علينا أن نسأل:
كم سعر الإعلان الممول؟
منصات إدارة التسويق ممكن تساعدك في تحديد السعر على حسب:
- نوع البراند أو الصفحة اللي بتروج لها.
- مدة عرض الإعلان.
- الموقع أو المنصة اللي هتقدم فيها الإعلان.
- نوع الإعلان، هل هو فيديو أو كاروسيل أو صور صامتة.
- عدد التفاعلات مع الإعلان.
وتكون الأسعار تقريبًا:
- من 0.11 $ إلى 0.50 $ لكل نقرة أو click.
- 0.50 $ وتصل إلى 1000 $ لكل 1000 انطباع.
- 50 $ لمن يعرض إعلانه في هيئة فيديو احترافي.
إيه هو المكسب المتوقع من البراند؟
لازم تحسب المكسب الخالص لك من بيع المنتج بتاعك، يعني العائد مخصوم منه الرسوم المدفوعة أو تكاليف الإعلان، عشان تحدد هل أنت بتكسب أم لا، وعشان تقدر تستمر في تمويل إعلانك من غير خسارة.
ما هي نتيجة الإعلان مقارنة بالعائد من البراند؟
مقارنة العائد بعد الإعلان عنه، يعطيك تصورًا عن تأثير الإعلانات على نسبة الربح، وهل الإعلان ناجح أم يحتاج إلى تطوير، أو بمعنى آخر مقارنة بين:
- تمويل الإعلان.
- أرباح البراند.
ولازم تبقى نسبة الربح من البراند أعلى من تمويل الإعلان، لأنها لو أقل فده معناه إن الإعلان مش مؤثر كفاية، وإن المشروع بيخسر.
ثالثًا: استهداف الجمهور بمحتوى تسويقي جذاب
دلوقتي هنشرح بالتفصيل
- كيفية جذب الجمهور المستهدف.
- طرق التسويق للبراند.
- إيه هو Ads manager؟
- ازاى أعمل إعلان ممول لجمهور صفحة معينة؟
ازاي استهدف الجمهور في الإعلان الممول؟
من أهم خطوات ازاى أعمل إعلان ممول لأي براند، لازم تعرف توصل للجمهور المستهدف، وفيه خطوات ممكن تمشي عليها:
- التعرف على طبيعة الجمهور المستهدف:
وده عن طريق وضع تخيل لطبيعة الجمهور اللي ممكن يشتري البراند بتاعك، واسأل نفسك مين الفئة اللي بتدور على نوعية البراند بتاعي؟ والتصنيف على أساس:
- السن.
- النوع.
- الدخل المادي.
- الدرجة التعليمية.
- موقع بلد الإقامة.
- المحتوى التسويقي:
لازم تقدم محتوى جذاب، وفيه طرق مختلفة للتسويق، زى:
- الفيديو: من أسرع الطرق لنشر إعلان على الانترنت هو محتوى الفيديو وتقدر تعرض فيه البراند على نطاق واسع، بس المهم يتعمل باحترافية وبجودة عالية عشان يحظى بتفاعل الجمهور.
- المحتوى الكتابي: كتابة المقالات الدعائية articles أو البلوج blog post مش بنفس تأثير وسرعة الفيديو، لكن يفضل مؤثر وتقدر توصل للجمهور لو أسلوب مقالاتك فيه حس ابداعي ومؤثر.
- منصات التواصل الاجتماعي: منها تقدر تتواصل مع الجمهور سواء بالفيديوهات أو بالكتابة أو بالصور الدعائية، وديه من الطرق السريعة والفعالة.
- الإعلانات المستهدفة
وهي إعلانات ممكن من خلالها تستهدف الفئة المطلوبة من الجمهور من خلال البحث عنها في المنصات الإعلامية مثل Google ads؛ لأنها تتيح معلومات عن التوزيع الجغرافي للفئات وإهتماماتها وأماكنها، وممكن تروج للبراند بتاعك من خلالها.
- تسويق الإحالة
وده للناس اللي دخلت في التسويق واتعاملت بالفعل مع عملاء وكانو راضيين عن البراند، ومن خلالهم ممكن يروجوا للمنتج لأصدقائهم، وساعتها يتحول العملاء الراضيين إالى عملاء مسوقين للبراند بتاعك.
- الهاشتاج #
تقدر توصل للجمهور المستهدف عن طريق منصات التواصل الإجتماعي من خلال تفعيل الهاشتاج للبراند بتاعك عليها.
كيفية استهداف جمهور صفحة معينة على الفيس
فيه خطوات عشان توصل للجمهور المستهدف على صفحة معينة:
- الأول تكون سجلت account في Ads manager وعندك website.
- بعدين تفتح الصفحة المستهدفة.
- تفتح صفحة Ads manager account بتاعك وتختار create audience.
- تختار website traffic لو أنت عندك بالفعل موقع للإعلان بتاعك.
- تحط URL بتاع الصفحة المستهدفة وتختار مين يشوف الإعلان بتاعك من الجمهور.
طبعًا ديه خطوات مختصرة للإعلانات على facebook Ads manager واستهداف صفحات الفيس، وتقدر تعرف تفاصيل أكثر عن طرق نشر إعلانك على المنصات المختلفة من خلال البحث والتواصل مع خبراء التسويق على مواقع الانترنت ومن خلال دراستك لدبلومة التسويق الالكتروني الشاملة اللي بتقدمها أكاديمية ابن سينا.
كيف يعمل الإعلان مستهدف؟
تحدثنا في الأعلى عن طرق الوصول إلى الجمهور المستهدف، ومنها كان الإعلانات المستهدفة، وهنتكلم عن ازاى بيشتغل نظام الإعلانات المستهدفة بالتفصيل، نظرًا لفعاليتها في بلوغ الجمهور المستهدف للإعلان الممول.
جمع البيانات
تبدأ منصات الإعلانات بجمع معلومات عن المستخدمين زى:
- أكثر الموضوعات اللي بيسألوعنها في محركات البحث.
- أكثر الموضوعات اللي بيتفاعلو معاها على صفحات التواصل الاجتماعي.
تفعيل البروفايل
بعد جمع البيانات عن الجمهور المستهدف، بيحصل تفعيل لبروفايلات المستخدمين طبقًا لموقعهم الجغرافي واهتماماتهم.
ظهور الإعلان
تبدأ منصة الإعلان المستهدف بإنها تُظهر الإعلان المستهدف اللي صممته للفئة المستهدفة من خلال البروفايل بتاعها.
الخوارزميات
يظهر الإعلان الممول للجمهور المستهدف في أوقات وأماكن معينة وفقًا لخوارزميات منصة الإعلانات، فتظهره على حسب نشاط بروفايل المُستخدم وتوافق خواص الإعلان معه.
ازاى أعمل إعلان ممول بشكل احترافي؟
في النهاية عشان أعرف أطبق خطوات ازاى أعمل إعلان ممول باحترافية، إليك بعض النصائح:
- لابد من التدرب المستمر على استخدام أدوات التسويق على صفحات الانترنت، حتى بعد تلقي دورات تدريبية في المجال.
- معرفة أفضل منصات التسويق الملائمة للبراند الخاص بك.
- يكون تصميم اللوجو جذاب والإعلان احترافي، بما يتلائم مع ثقافة الجمهور المستهدف.
- دراسة السوق والاطلاع على احتياجات الجمهور.
- معرفة دومًا ما الجديد في مجال الإعلان والتسويق، ودور الذكاء الاصطناعي في تحسين الدعاية للعلامة التجارية
- منصات عمل ممكن تعرض فيها شغلك، وتتبادل الخبرات مع الآخرين، زى:
- لينكد إن
- أب ورك
- خمسات
- مستقل
المصادر
–grin