أسرار جوجل | كيفية الحصول على براءة الاختراع Google Patents
لو عندك اختراع أو فكرة جديدة وخايف تعرضها إنها تتسرق منك، ومش عارف ازاي تحمي فكرتك يبقى المقال دا موجه ليك…
هنتكلم في المقال دا عن واحد من أسرار جوجل اللي تخص براءات الاختراع Google patents.
ما هي براءة الاختراع؟
هو امتياز خاص يمنح بشكل رسمي من الحكومة (ترخيص حكومي) لمخترع ما في مقابل إن صاحب براءة الاختراع يسمح لعوام الناس يطلعوا على اختراعه وتفاصيل البراءة اللي حصل عليها.
ودا طبعا بيكون بشرط إن المخترع له الحق إنه يمنع أي حد من صناعة أو استخدام أو بيع أو عرض الاختراع بدون موافقة صاحب براءة الاختراع.
ما هي شروط الحصول براءة الاختراع؟
براءة الاختراع لها شروط معينة لازم تتوافر فيها، وبتتمثل في:
- تكون فكرة جديدة (لم تنفذ أو تقترح من قبل).
- غير بديهية.
- يكون لها تطبيق صناعي.
- لا تكون مسروقة أو منسوخة.
وهنا لازم نوضح حاجة مهمة وهي إن براءة الاختراع من الامتيازات الخاصة جداً اللي بتساعد كل الباحثين إنهم يعملوا أبحاث خارج الصندوق (نفس فكرة الباحث العلمي نبدأ من حيث انتهى العمالقة)
ما هي أهمية براءة الاختراع في جوجل Google patents؟
قلنا قبل كدا في مقال سابق إنك عشان تبدأ بحث علمي قائم على أسس ومصادر علمية صحيحة موثوق منها هيكون من غير المنطقي وتضييع لوقت ومجهود ضخم إنك تبدأ من الصفر.
عشان كدة جوجل كمحرك بحث قوي وعملاق خصص جزء كامل للبحث العلمي عشان تبدأ من حيث انتهى الآخرون في علمهم وبحثهم وتزود عليه اللي أنت وصلتله.
لو عاوز تعرف أكتر عن أسرار البحث في المجال العلمي، شوف المقال دا: أسرار جوجل | البحث في المجال العلمي GOOGLE SCHOLARS
نفس الكلام في براءة الاختراع، عشان تبتكر أو تخترع لازم يكون عندك علم بكل الاختراعات المسبقة أو على الأقل في المجال اللي عايز تبتكر فيه بحيث تبني فوقه ودا أساس التقدم العلمي والتكنولوجي.
عشان كدة جوجل كمحرك بحث عبقري أفرد لبراءات الاختراع شابتر كامل مليء بأسرار الاختراعات والمخترعين.
ازاي نفتح الصفحة الرئيسية لبراءة الاختراع؟
نظرًا لانفصالها مؤخرًا عن google scholar هي مالهاش لينك خاص بيها لكن بندخل من صفحة جوجل سيرش العادية ونكتب في مربع البحث Google patents وهتختار أول نتيجة تظهر في البحث.
طيب هيظهر ايه في صفحة البحث؟… هنلاقي مربع البحث وتحته مباشرةً فيه اختيارين تختار بينهم:
- Google search
- I’m feeling lucky
اتكلمنا عن الفرق بينهم قبل كدا في المقال دا: أسرار البحث في جوجل | معلومات قد تخفى عليك
ازاي ندخل على البحث المتطور Advanced google patent search؟
بعد ما بتكتب الكلمة اللي عايز تبحث عنها وتظهر نتائج البحث بتدوس على: Setting 
هتظهر شاشة فيها مجموعة من الاختيارات وهي:
- Find results:
- With all of words: نتيجة البحث تتضمن كل الكلمات المكتوبة.
- Exact phrase: نتيجة البحث تتضمن جملة معينة مكتوبة بنفس الترتيب.
- At least one: نتيجة البحث تتضمن على الأقل كلمة واحدة.
- Without any word: نتيجة البحث لا تتضمن أي كلمة من المكتوبة.
- Patent number: البحث برقم براءة الإختراع المعروف.
- Title: البحث بعنوان البراءة.
- Inventor: البحث باسم المخترع.
- Original assignee: البحث عنها باسم صاحب براءة الاختراع الأول المكتوب عليها.
- Current US classification: البحث من خلال تصنيف البراءات حسب حكومة الولايات المتحدة الأمريكية.
- International classification: البحث من خلال التصنيف العالمي لبراءات الاختراع.
- Cooperative classification: البحث من خلال تصنيف مجلس التعاون لبراءات الاختراع.
- Date: البحث عنها بالتاريخ ودا اختيارين إما البحث في أي تاريخ (Anytime) أو البحث في فترة زمنية بين تاريخ وتاريخ.
- Restricted date by: البحث عنها بحاجة من اتنين يا تاريخ الإيداع (Filing date) أو تاريخ الإصدار (Issue date).
كيف يحمي جوجل براءات الاختراع؟
عشان تاخد براءة اختراع فدا شيء مش سهل ولازم يكون فيه شروط تحمي فكرتك وفكرة غيرك.
قلنا قبل كدا إن من شروط براءة الاختراع إنها تكون فكرة جديدة وبديهية ومش مقلدة أو منسوخة من مكان تاني.
طيب ازاي أنت كباحث علمي أو حتى الحكومة والجهات المعنية بإعطائك براءة الاختراع هتعرف إن اختراعك جديد ومش منقول من حد؟
جوجل كأقوى محرك بحث قدم خدمة عبقرية للعالم كله وهي Prior art finder.
طيب ايه هو دا أصلاً؟… مجرد ما بتضغط على خيار prior art finder هتظهر صفحة جديدة فيها نتائج كتيرة جدًا من كل محركات البحث (البحث العادي أو الباحث العلمي أو براءات الاختراع أو البحث في الكتب).
بحث واسع جدًا وشامل تقدر تقارن وتعرف إذا كان الاختراع جديد ومبتكر ولا مقلد، أو حتى ليه حد ناشر عنه أي معلومة مسبقة ولو حتى كتابيًا.
الخلاصة… أي حاجة مسبقة مشابهة لاختراعك قبل ما تاخد عليه براءة الاختراع ولو حتى قبلها بيوم واحد (التواريخ مهمة جدًا)، براءة الاختراع بتترفض تسجيلها أو يتم عدم قبولها.
ما هي أنواع براءات الاختراع؟
براءات الاختراع ليها 3 أنواع مختلفة وهي:
النوع الأول | Utility patents
هو النوع الأكثر شيوعًا وانتشارًا.
النوع دا من براءة الاختراع بيغطي اختراع وتطوير الآلات والمصنوعات وتراكيب المادة.
تراكيب المادة تشمل التركيب الكيميائي (خلط المكونات أو اختراع مركبات كيميائية جديد)، والآلات تشمل أي شيء يعرف بأنه آلة مثل الكمبيوتر، والبضائع تشمل البضائع المصنعة.
النوع الثاني | Design patents
ويشمل الزخرفة السطحية (شكل أو تكوين الشيء).
وعشان تَحصُل على براءة الاختراع دي لازم التصميم ميكونش منفصل عن الشيء المراد زخرفته.
النوع الثالث | Plant pantents
وهو حماية النباتات الجديدة والمميزة ولازم في براءات الاختراع النباتية يكون التكاثر في النبات لاجنسي؛ لأن دا بيكون دليل إن احنا نقدر نعيد إنتاج النبات مرة تانية ودا من شروط براءة الاختراع.
دور جوجل في تسهيل الحصول على براءات الاختراع
قبل كدا تفاصيل براءات الاختراع كانت مش متوفرة زي دلوقتي على جوجل.
جوجل دخلت في اتفاقية مع مكتب براءات الاختراع والعلامات التجارية الموجود في الولايات المتحدة (USPTO) في عام ٢٠١٠، واتفقوا إن الداتا بتاعت براءات الاختراع تكون موجودة بالكامل على جوجل.
وطبعًا اللي عايز تفاصيل أكتر يزور موقعهم ويطلع على كل التفاصيل.
المكتب دا بيتيح لأي حد استرجاع معلومات طلبات براءات الاختراع عن طريق موقع PAIR database.
أدوات تساعدك على البحث الدقيق
آخر جزء هنتكلم عليه في براءة الاختراع
هو الأدوات اللي جوجل موفرها لنا عشان نوصل لبحث دقيق وسريع، وتشمل…
- Time: دا معناه إنك ممكن تحدد نتائج البحث بتاعك بالوقت يا إما Any time أي وقت ودا الوضع الافتراضي أو بتاريخ النشر.
- Patent office: تقدر تحدد نتائج البحث تكون تبع أي مكتب من المكاتب العالمية اللي بتمنح براءات الاختراع.
- Status: نتائج البحث هنا بتتحدد على أساس:
- Filing status: تاريخ تسجيل براءة الاختراع.
- Application status: نشر براءة الاختراع.
- Issued status تاريخ إصدار براءة الاختراع.
- Patent type: بيحدد نتائج البحث على حسب نوع البراءة واتكلمنا عن الأنواع بالتفصيل قبل كدة.
- Sorted by: نتيجة البحث بتتحدد على حسب ترتيبها:
- Relevance: بالملائمة عادي ودا الوضع الافتراضي.
- Filing date latest: آخر تاريخ اتسجلت فيه البراءة.
- Filing date oldest: التاريخ الأقدم اللي اتسجلت فيه البراءة.