كيفية الاستفادة من الذكاء الاصطناعي لزيادة كفاءتك في العمل الحر
كيفية الاستفادة من الذكاء الاصطناعي؟ السؤال دا أصبح من الحاجات الملحة لكل الناس وخصوصًا إنك كل يوم بتسمع بأداة جديدة وكل واحد منها بتقوم بتخصص مختلف وعشان AI أصبح ضرورة حتمية إنك تتعامل معاها عشان تحسن من كفاءتك.
هنوضح إيه هو؟ إزاي تستفاد منه كفريلانس؟ والأدوات اللي ممكن تستخدمها خلال يومك فيلا بينا نبدأ الرحلة دي.
ما هو الذكاء الاصطناعي؟
ذكاء اصطناعي أو AI هي التكنولوجيا المستخدمة بواسطة الآلات أو أجهزة الكمبيوتر لمحاكاة ذكاء البشر وحل المشكلات، وهو من علوم الكمبيوتر المرتبطة دائمًا بالتعليم الآلي (Machine learning) والتعليم العميق (Deep learning) اللي بتطور من خوارزميات AI بواسطة التعلم من البيانات المتاحة لإجراء توقعات وتصنيفات دقيقة.
في الحقيقة ممكن تعتقد أن الذكاء الاصطناعي ارتبط وجوده مع ظهور أدوات الذكاء التوليدية (Generative AI) مثل Chat GPT، لكن وجوده مقترن بمهام أنت بتعملها من فترة زي استخدامك ل GPS أو المساعد الرقمي أو تصحيح الأخطاء الإملائية في Grammarly كل دا ما هي إلا صور بنستخدمها منه في حياتنا اليومية.
لكن صُدور Chat GPT كانت بمثابة نقطة تحول وكانت نقلة في معالجة اللغة الطبيعية (NLP) حيث أصبحت تلك الأدوات غير قادرة فقط على فهم لغة البشر ولكن فهم الصور والفيديو والرموز.
أنواع الذكاء الاصطناعي
إذ يوجد منه نوعان وهما:
الذكاء الاصطناعي الضيق
أو يسمى ذكاء اصطناعي ضعيف والذي يرمز له (ANI) وهنا اسم ضعيف ليس وصفًا على ضعفه إطلاقًا ولكنه مدرب على أداء مهام محددة ومن أمثلتها Apple’s Siri، وAmazon’s Alexa.
الذكاء الاصطناعي الفائق
أو ما يسمى ذكاء اصطناعي عام (AGI) ويتمتع ذلك النوع بذكاء يضاهي البشر حيث يكون له الوعي لحل المشكلات والتعليم والتخطيط للمستقبل.
ترجع كلمة فائق ليفوق ذكاء البشر ورغم عدم وجود الشكل دا حتي الآن إلا بشكل نظري لكن العلماء بيستعدوا لتطويره.
تطبيقات الذكاء الاصطناعي
في الحقيقة على أرض الواقع في تطبيقات كثيرة شائعة للـ AI بنستخدمها خلال اليوم وعشان تقدر تعرف إزاي تحقق الاستفادة من الذكاء الاصطناعي لازم تتعرف على التطبيقات دي وإزاي هي حولينا زي:
التعرف على الكلام
أو ما يسمى بالتعرف التلقائي على الكلام (ASR) والنوع دا بيستخدم البرمجة اللغوية العصبية (NLP) في معالجة كلام البشر في شكل مكتوب.
وبعض الأجهزة زي الموبيل بتدمج الشكل دا في الأنظمة الخاصة بيها عشان تجري بحث صوتي وعلى رأسها SIRI أو تزود الإمكانيات الخاصة بالرسائل النصية سواء باللغة الإنجليزية أو لغات ثانية مختلفة.
خدمة العملاء
وهنا يقوم روبوتات الدردشة (Chat Bots) بدور خدمة العملاء طوال رحلة العميل بواسطة الإجابة على الأسئلة المتكررة (FAQ) مثل الأسئلة المتعلقة بالشحن أو نصائح شخصية وفي الحقيقة الشكل دا غيّر مفهوم التفاعل مع العملاء على المواقع أو صفحات سوشيال ميديا.
ومن أشهر الأمثلة تطبيقات الرسائل زي فيس بوك ماسنجر أو سلاك وكمان روبوت الرسائل في المواقع التجارية الإلكترونية.
الرؤية الحاسوبية
وهنا تقدر تستخلص معلومات قيمة من مجرد صورة أو فيديو أو أي شكل مرئي أخر بناءً على المدخلات وعليه بيأخذ الإجراء المطلوب والتقنية دي موجودة في الصور اللي بيتعمل عليها Tags على صفحات سوشيال ميديا أو في التصوير الإشعاعي في المستشفيات الصحية أو السيارات ذاتية القيادة في صناعة السيارات.
التنبؤ بالطقس
لإجراء تنبؤ دقيق بتكون هناك مجموعة من الخوارزميات المعقدة على أجهزة كمبيوتر عملاقة وهنا يجي دور التعليم الآلي عشان يحسن ويعزز من النماذج دي عشان تكون أكثر دقة.
الرعاية الصحية
الهدف هنا هو تحسين نتائج المرضى وكمان التقليل من التكاليف النظامية ومثال على كدا هي نماذج التعليم الآلي المدربة على كمية كبيرة من البيانات لمساعدة الأطباء المتخصصين في تشخيص المرض ويمكن للبرامج المدعومة ب AI تحلل الأشعة المقطعية (CT).
الأعمال التجارية
دا لتحسين تجربة العملاء وزيادة الكفاءة والتخطيط الاستراتيجي وكمان صنع القرار ومن أنظمة التعليم الآلي اللي بتعمل على تحليل عدد كبير من البيانات وإدارة العلاقات هو نظام (CRM) وبالتالي فهم وخدمة أكبر للعملاء وتقديم العروض المناسبة ليهم.
الجزء دا ممكن تكون حسيت إنه معقد وكبير شوية لكن كل دا عشان أوصلك نقطة وهي أن في أشياء كثيرة حولينا موجود بالذكاء الاصطناعي وأن ChatGPT ما هو إلا قنبلة اللي أظهرت أهميته ووجوده في حياتنا.
وعشان كدا الفقرات القادمة هنوضحلك إزاي تكون الاستفادة من الذكاء الاصطناعي بالشكل المطلوب في العمل الحر.
ماذا نستفيد من الذكاء الاصطناعي؟
قبل ما نوضح النقطة دي لازم تعرف إزاي تحقق الاستفادة من الذكاء الاصطناعي بشكل كامل في العمل الحر عن طريق الخطوات التالية:
تحديد الاحتياجات
في البداية يجب تحديد جوانب سير العمل اللي محتاج فيها لأدوات الذكاء الاصطناعي واللي ممكن تكون:
- إنشاء محتوى.
- إجراء بحث.
- إدارة مشروع.
المهم اختيار الجانب اللي فعلا الـ AI هيقدر يزيد من إنتاجيتك وكفاءتك.
البحث عن الأداة المناسبة
نظرًا لوجود العديد من الاختيارات من تلك الأدوات ودا بيكون عنصر ضغط، لكن لازم تعرف أن كل أداة من دي بتقوم بمهمة محددة سواء كانت كتابة نص أو إنشاء فيديو أو تصميم رسم.
وعشان كدا دائمًا قبل التعامل مع تلك الأدوات لازم تقرأ عن المقارنات ومراجعة الميزات المختلفة بين الأدوات وبعضها وجرب الفترة المجانية عشان تقدر توصل للأداة اللي بتتوافق مع احتياجاتك.
ابدأ بأداة واحدة ثم وسع النطاق
كل يوم بتظهر أداة جديدة ودا ممكن يزيد من التوتر وعشان كدا لازم تبدأ تتعامل مع أداة معينة وتتعرف على وظائفها وكيفية التعامل معها بشكل احترافي قبل ما تنتقل لأداة أخرى ممكن تكون أكثر تعقيدًا أو تستخدم أكثر من أداة في وقت واحد.
استثمر في تعلم كيفية الاستفادة من الذكاء الاصطناعي
حاول دائمًا الحفاظ على حضور ندوات أو قراءة مصادر على الإنترنت أو برامج تعليمية عشان تقدر تحقق الاستفادة من الذكاء الاصطناعي ومميزاته و تتعامل مع البرامج دي لحد ما تكون على دراية أكثر بكيفية عملها ونظرًا أن العملية دي مستمرة فلازم تكون مطلع دائمًا بالتطورات واصقل من مهاراتك باستمرار.
المراجعة الدائمة
لازم تعرف بالرغم كل البيانات والمعلومات اللي بتقدر تقدمها الأدوات دي لكن دا لا يعصمها من الخطأ ودي من أهم مشكلات مولد النص اللي بيعمل بتقنية GPT إنك ممكن تحصل على معلومة تبدو صادقة جدًا ولكن تحتوى على أخطاء.
ودا دورك في إنك تراجع وتتحرى الدقة في المحتوى وإنه متماشي مع هوية وصوت البراند اللي بتعمل معها والأهم هو إنك تتعامل مع تلك الأدوات إنها داعمة لكتابتك مش عشان تستبدل كتابتك.
المعايير الأخلاقية
في الوقت اللي بتوفر فيه تلك الأدوات الكثير من الإمكانيات لازم تكون بتتعامل معاها بأخلاقية، وشفافية والمهم إنك تحافظ على خصوصية البيانات، والأمان أو التحيزات الخوارزمية ضد جنس أو لون أو دين معين لأنك مسئول أمام الله عن استخدام تلك الأدوات من أجل الخير.
ما هي الخدمات التي يقدمها الذكاء الاصطناعي؟
التطور اللي بيحصل على عالم الذكاء الاصطناعي سريع بداية من إصدار Open AI Chat GPT-4 والتطلع للوصول لـ GPT-5 وعشان مهارات العمل الحر بيتطلب منك تكون منفتح لتلك التطورات، وكمان تطوير مهاراتك اللي ذكاء اصطناعي لا يستطيع محاكتها وهي الإبداع.
ولكن مع تطور الخدمات اللي بتقدمها أدوات AI تقدر تساعد المستقلين في عملهم بواسطة:
- فهم أفضل للسياق ومعرفة الفروق في أنماط المحادثة مع البشر واللي هيعود بالنفع على المستقلين بحيث يكونوا أكثر إنتاجية الذي يتبعه إنتاج محتوى عالى الجودة.
- إتاحة الأدوات بشكل أفضل بحيث يمكن دمجها واستخدمها بشكل أكثر كفاءة مع الأدوات التقنية التي تستخدمها بالفعل.
- تسهيل التعاون في الوقت الفعلي بين المستقلين والعملاء واللي هيعود بالنفع في إكمال المشاريع بشكل أسرع والتواصل يكون أكثر فعالية.
- تخصيص منصة ذكاء اصطناعي معينة لتتناسب مع إحتياجتك عشان تكون تجربتك متخصصة أكثر.
- يساعد أدوات AI على أتمتة المهام والأعمال المتكررة.
ما هي أدوات الذكاء الاصطناعي للفريلانس؟
وجه الوقت إننا نوضح أكثر عن الأدوات االلي هتساعدك في تسويق خدماتك كفريلانس وتزيد من الاستفادة من الذكاء الاصطناعي وهتتقسم كالآتي:
أتمتة المهام المتكررة
واللي هتساعد في توفير وقت من خلال عمل بعض المهام المتكررة واللي بيساعدك في التركيز في المهام عالية القيمة بشكل أكبر ومنهم أدوات مثل:
Zapier واللي بتربط بين كثير من التطبيقات ويمكن نقل البيانات بين التطبيقات أو إرسال رسائل بريد إلكتروني أو متابعة بوستات سوشيال ميديا و ممكن كمان تستخدم IFTTT اللي بيقوم بنفس مهمات Zapier.
إدارة الوقت
الوقت من العوامل المهمة للفريلانس واللي بيساعدك للتوفيق بين أكثر من مشروع حيث باستخدام أدوات مثل Toggl في تتبع الوقت الخاصة بأداء أعمالك أو معرفة الأنشطة التي تُضيع من الوقت، كذلك اقتراح جداول زمنية واللي هيساعدك في اتخاذ القرار لتحسين كفاءتك أو تقدر تستخدم Clockify.
التواصل الفعال
عشان تقدر تتواصل بفاعلية مع العملاء لا بد من التأكد من أن الرسالة مكتوبة بشكل سليم، وخالي من الأخطاء ودا تقدر توصله بواسطة Grammarly اللي هيساعدك في كتابة واضحة وبشكل مهني ومراعاة لعلامات الترقيم.
تقدر كمان تستخدم Crystal والأداة دي بتحلل أنماط الشخصية الخاصة بمُستلم البريد الإلكتروني توضح لك نقاط تساعدك من تخصيص رسالتك بشكل أفضل.
الكتابة والتحرير
من الأدوات اللي هتقدر تستخدمها وتحسن من جودة عملك ويجعله أكثر جاذبية هو Jasper واللي هيساعدك في إنشاء منشورات للمدونة أو بوستات سوشيال ميديا أو كوبي واللي هيساعدك تركز على الإبداع بشكل أكبر.
في كمان Hemingway Editor واللي بتقدر تحول الجمل المعقدة وصعبة القراءة إلى جمل موجزة ويسهل قراءتها.
أدوات التصميم
وعلى أشهرهم Canva اللي بتوفر لك عدد من القوالب وعديد من اقتراحات التصميم واللي هتساعدك في إنشاء رسومات أو عروض تقديمية أو مواد تسويقية بشكل احترافي.
كمان في Adobe Sensei ودي منصة الذكاء الاصطناعي الخاصة بأدوبي واللي بتدعم أدوات مثل Photoshop وIllustrator واللي بيساعد المصممين على تحسين جودة مشاريعهم.
تحرير الصوت
عشان تحسن من جودة الصوت وخاصة إذا تعمل في مجال التعليق الصوتي فأدوات مثل Descript تعد من الأدوات المستخدمة في تحرير صوت والفيديو وبيساعد المستقلين في تحرير الصوت بواسطة تحرير النص وإزالة تكرارات الصوت.
في كمان أداة Auphonic واللي مفيدة في مرحلة ما بعد الإنتاج الصوتي لتحسن من جودة الصوت وإزالة الضوضاء للوصول إلى صوت احترافي.
كدا خلصنا مقالنا واللي كان بمثابة وجبة دسمة عن إزاي الاستفادة من الذكاء الاصطناعي في حياتنا عمومًا وفي حياة الفريلانس بالأخص.
ولازم تعرف أن معرفتك بكل ما يتعلق ب AI لم تعد رفاهية وإنك لازم تتعمق أكثر فيه وتعرف إزاي تتعامل معاه باحترافية وبشكل يزيد من إبداعك مش مجرد الاعتماد عليه في كل مهامك.
المصادر
What is artificial intelligence (AI)?
What is artificial intelligence (AI)? Everything you need to know
AI for Freelancers: How to (Responsibly) Use AI to Grow Your Business