كلام في الفريلانس

دليلك الشامل لدخول مجال العمل الحر

انتشر في الآونة الأخيرة مصطلح العمل الحر “Freelancing” بشكل كبير، واللي زاد من انتشاره بشكل أسرع تغير الظروف الاقتصادية خاصة بعد جائحة كورونا، وده ساعد إن عدد العاملين بالمجال ده يوصل إلى أكتر من بليون شخص حول العالم.

وخلال آخر 3 سنوات جذب المجال ده عدد كبير جدًا من شباب الدول العربيـة، وأصبح كتير منهم بيعتمد عليه بشكل كبير كمصدر دخل أساسي مع تعدد منصات العمل الحر اللي بتضمن حقوق كل من العامل والعميل من خلال آلية عمل منظمة.

ومع حلول 2030 متوقع إن عدد العاملين بمجال العمل الحر يوصل إلى 80% من إجمالي عدد الموظفين حول العالم.

عشان كدا بنقدم لك في المقال ده تعريف العمل الحر، وأهم مميزاته وفوائده وأنواعه.

إيه هو العمل الحر؟

يشير مصطلح العمل الحر إلى وظيفة مؤقته مش بيرتبط فيها العامل بمكان عمل واحد لفترة طويلة، لكنه بيشتغل على عدد مختلف من المشاريع مع مجموعة عملاء مختلفين، وفيه بيتم تحدد العائد المادي إما بالساعة أو مبلغ معين مقابل أداء خدمة محددة، ويسمى العاملين في المجال ده مستقل أو فري لانسر.

وبيحتاج الفرد في النوع ده من العمل مجرد جهاز كمبيوتر أو لاب توب و شبكة إنترنت قوية، مع إتقان مهارة معينة أو أكتر تمكنه من دخول المجال من خلالها.

وأول مرة تم فيها استخدام مصطلح العمل الحر كان في بداية القرن 19 من أحد قادة الحرب في الوقت ده، واللي كان بيعرض خدماته للدولة التي تدفع له أكتر، فكان بيشارك معها محاربً في جيشها.

مميزات العمل الحر

يتميز العمل الحر بعدد كبير من المزايا اللي جذبت عدد كبير من الشباب للتفكير في دخول مجال العمل الحر، ومن أهم هذه المميزات:

الحرية الكاملة في اختيار العمل اللي يناسبك

تعتبر الميزة الأهم في العمل الحر إنه بيمكنك من اختيار المهمة اللي تحب تعملها وتلاقي فيها شغفك، وبالتالي بيكون العمل عليها ممتع ليك وغير شاق.

كمان أنت مدير نفسك، فأنت اللي بتختار التقديم على عرض معين أو مشروع محدد بعد دراسة عرض العميل وإقرار مناسبته ليك أو لأ.

اعرف ازاي تختار الوظيفة المناسبة ليك من المقال دا: كيفية اختيار الوظيفة المناسب

عدم الارتباط بمكان معين

يتيح ليك العمل الحر اختيار المكان المناسب اللي بتلاقي في راحتك وأنت شغال، فممكن تشتغل من الببت بغرفتك، أو من إحدى المكتبات أو المقاهي أو الحدائق.

عدم الارتباط بزمن معين أو عدد ساعات محددة

من أهم مميزات العمل الحر مرونة ساعات العمل، لإنه بيلغي منظومة مواعيد العمل التقليدية اللي بتقضي فيها أكتر من 10 ساعات من يومك في الشغل.

فبيديك حرية اختيار المواعيد المناسبة ليك في اليوم للعمل فيها سواء كانت الصبح أو بليل، كمان ممكن تقسم ساعات عملك حسب ظروف يومك.

وكمان ممكن تمتنع عن العمل تمامًا أو تاخد أجازة منه لفترة، لو كنت تمر بظروف طارئة أو بحالة مرضية أو مزاجية سيئة من غير تعنت المدير والقوانين.

الربح المادي غير المحدود

بيمكنك العمل الحر من زيادة دخلك المادي والتحكم فيه على حسب عدد المشاريع اللي هتشتغل عليها، وكل ما زادت خبراتك العملية ودقتك في أداء العمل بيزيد معاها الدخل المادي، فأنت اللي بتحدد السعر المناسب ليك لأداء كل مهمة حسب صعوبتها والوقت المستغرق لأدائها.

فدخلك المادي بيتوقف على مقدار إنتاجيتك وجودة عملك، كمان ميزة مهمة جدًا وهو إنك هتحصل على العائد المادي بتاعك كامل من غير استقطاعات ضريبية أو تأمينات اجتماعية.

اعرف ازاي تحقق دخل ثابت من العمل الحر: أهم النصائح لتحقيق الدخل الثابت من العمل عن بعد

الانفتاح على أسواق عمل مختلفة

في العمل الحر ممكن تشتغل بمختلف الأسواق، زي: السوق المصري والسوق العربي والسوق الأجنبي، لإن البعد المكاني بقى غير مؤثر إطلاقًا، فكل المهمات ممكن تشتغلها من بيتك من خلال الإنترنت من غير ما تنتقل من مكانك.

فوائد العمل الحر

بناء على مميزات العمل الحر يمكن للفرد أن يحصل على مجموعة كبيرة من الفوائد، زي:

• اتباع شغفك وتحقيق ذاتك، وعمل الشيء اللي بتحبه.
• تعزيز مهارات التعلم الذاتي.
• تطوير مهارات التواصل الاجتماعي وإدارة الوقت.
• القدرة على تجربة أكثر من مجال عمل.
• البعد عن روتين الوظيفة التقليدية.
• القدرة على الموازنة بين الحياة المهنية والاجتماعية.
• الاستقلالية المادية التي تساعد على إنشاء مشروع خاص لك.

أنواع العمل الحر عبر الإنترنت

يشمل العمل الحر جميع مجالات العمل التقليدية، وأحيانًا بنلاقي بعض المجالات اللي بيفضل فيها أصحاب العمل تعيين فري لانسر بدلًا من موظف دائم، فبنلاقي تعدد متنوع في مجالات مختلفة، زي:

كتابة المحتوي “Content Writing”

من أكتر المجالات انتشارًا في الفترة الأخيرة، بيشتمل على كتابة المقالات على صفحات الويب المختلفة، والكتابة التسويقية أو ما يعرف باسم الكوبيرايتنج، وكتابة ملفات الشركات والمواقع، ووصف المنتجات المختلفة.

الترجمة “Translation”

من أقدم مجالات العمل الحر وبتشمل ترجمة الوثائق والملفات باختلاف أنواعها سواء كانت طبية أو ثقافية أو سياسية أو قانونية من لغة إلى أخرى، وبتعتمد على إتقان الفرد للغتين المترجم منها وإليها. وبيزداد العائد المادي ليها كلما ندر نوع اللغة الأجنبية المطلوب الترجمة منها أو إليها.

الترجمة الطبية الفورية “Medical Interpretation”

تشمل ترجمة المكالمات عبر الهاتف أو الفيديو بين طبيب ومريض من جنسيات مختلفة لضمان التشخيص الصحيح للمرض ووصف العلاج المناسب للحالة، لإنه بيصعب التواصل بينهم لحاجز اللغة المختلفة فيتطلب الوضع وجود مترجم طبي فوري لحل مشكلة التواصل بينها، وبتتميز بالعائد المادي الكبير.

التفريغ الصوتي “Transcription”

يعتمد على تفريغ الملفات الصوتية المختلفة إلى ملفات مكتوبة مع مراعاة قواعد اللغة و ترتيب المتحدثين.

التعليق الصوتي “Voice Over”

يشمل التعليق الصوتي على الإعلانات في التلفزيون والراديو، والبرامج الإذاعية، والوثقائيات وفيديوهات اليوتيوب، وتسجيل الكتب الصوتية والبودكاست، والدوبلاج لأفلام الكارتون، وبيحتاج إتقان لنطق اللغة ومخارج الحروف بشكل صحيح.

التسويق الإلكتروني “Digital Marketing” 

من المجالات المطلوبة بشدة، واللي بتتطور بشكل مستمر، وبتتعدد أشكال التسويق الإلكتروني بين: تحسين محركات البحث، والتسويق على منصات السوشيال ميديا المختلفة، والتسويق عبر الإيميل، والاعلانات وتحليل البيانات، وأبحاث التسويق.

ترجمة الشاشة “Subtitling”

تشمل ترجمة المحتويات المرئية إلى نص مكتوب بيظهر أسفل الشاشة، زي: ترجمة المسلسلات والأفلام والبرامج التليفزيونية والوثقائيات وفيديوهات اليوتيوب، ويتوقع أن يزداد الطلب عليها في المستقبل مع تحول كل شيء حولنا إلى محتوى مرئي.

البرمجة وتطوير التطبيقات “Programming”

تشتمل على إنشاء وتطوير برامج الحاسب الألي وتطبيقات الهواتف الذكية “الأندوريد” وتصميم مواقع الويب وتطويرها، ويتطلب المجال درجة عالية من الاحترافية والخبرة.

تحسين محركات البحث “SEO”

بيهدف المجال ده إلى تحسين نتائج ظهور المواقع المختلفة، لتظهر في الصفحات الأولى خلال البحث عنها على الإنترنت، فيزيد عدد زوار الموقع وبالتالي يزيد الربح.

وفي آخر المقال، هتلاقي دلوقتي بين إيديك أهم ما تحتاج أن تعرفه عن مجال العمل الحر، فاحرص على اختيار المجال اللي يرضي شغفك ويساعدك على تحقيق ذاتك.